Үөрэҕириигэ уонна наукаҕа кэтээн көрүү федеральнайдааҕы сулууспа 2022 сыллааҕы математикаҕа БКЭ сорудахтар бэрээдэктэригэр уонна баалларга саҥардыыны киллэрдэ. Ол туһунан биэдэмистибэ Twitter-га суруйда.
Математикаҕа эксээмэн базовай таһымыгар биир «практико-ориентированная текстовая задача» диэн эбилиннэ, оттон геометрия садаачаларыгар «практико-ориентированный акцент» күүһүрдүлүннэ.
«5 №-дээх сорудахха геометрическай фигуралары туттан суоттааһын эбилиннэ, 20 №-дээх сорудахха боростуой математическай моделлары тутар уонна чинчийэр сатабылы бэрэбиэркэлээһин киирдэ», — диэн суруллар иһитиннэриигэ.
Профильнай таһымҥа маннык сорудахтар эбилиннилэр — функция графигын туттан алгебраическай сорудаҕы толоруу уонна дириҥэтэн ыаратыллыбыт таһымнаах «теории вероятности» темаҕа сорудах. Эксээмэн садаанньаларыттан түҥэтии, «график реальной зависимости» тематыгар практическай садаача уонна геометрияҕа базовай таһым сорудахтара суох буоллулар.
Сулууспа маны сэргэ сыана туруорааһыныгар уонна икки толору эппиэти биэрэр сорудах бэрэбиэркэтин критерийдарыгар көннөрүүлэри киллэрдэ.
Источник: «Парламентская газета»
Хаартыска: visualrian.ru
