16 От ыйа 16.07
  • 22°
  • $ 87,81
  • 95,78

БКЭ-ҕэ биир талан ылбыт биридимиэти иккиһин туттарар кыах үөскээтэ

13:01, 14 марта
Текст:
Хаартыска: Саха сирэ саайт
Читайте нас на
Яндекс Новости
ЯДВ

Выпускниктар быйыл бэс ыйыгар биир кэлим эксээмэҥҥэ талан ылбыт биир биридимиэттэрин иккиһин туттарар кыахтаннылар. Бу туһунан Үөрэх уонна билим эйгэтигэр федеральнай сулууспатын салайаачыта Анзор Музаев иһитиннэрдэ, суруйар Саха сирэ саайт.

Кини этэринэн, биир кэлим эксээмэҥҥэ талан ылбыт биир биридимиэттэрин хаттаан туттарыы үөрэх тэрилтэлэригэр докумуон хомуйар хампаанньа бүтүөр диэри бэс ыйыттан саҕаланыаҕа. Манна бэлиэтээн этэр буоллахха, эксээмэни туттарааччы бастакы түмүгэ сотуллар уонна икки түмүктэн барыстаах бааллааҕын талан ылыы кыаллыбат буолар.

Сотору кэминэн биир кэлим эксээмэни туттарыы бэрээдэгэ уонна болдьоҕо уларытыллыаҕа. Билигин исписэлиистэр атын эрэгийиэннэри кытта сөбүлэһии ыыталлар.

Санаттахха, биир кэлим эксээмэҥҥэ выпускниктар биир биридимиэти талан ылан, үөрэх тэрилтэлэригэр докумуону хомуйуу хампаанньа бүтүөр диэри иккиһин туттарар кыах көрүллэригэр  дойду  Бэрэсидьиэнэ  Владимир Путин Федеральнай Мунньахха туһаайан Этиитигэр сорук туруорбута. Кини бу боппуруос тула киэҥ уопсастыбаннай кэпсэтиилэр тахсыбыттарын быһыытынан судаарыстыбаннай эксээмэн ньыматын тупсарар наадалаҕын ыйбыта.

Ити кэннэ Бэрэсидьиэн көҕүлээһининэн, биир кэлим эксээмэн тиһигин уларытыыта саҕаламмытын туһунан Федеральнай Мунньах Билимҥэ, үөрэххэ уонна култуураҕа кэмитиэтин солбуйааччыта Екатерина Алтабаева эппитэ.

Следите за самым важным и интересным в Telegram-канале и WhatsApp-группе ЯСИА