Биэнсийэҕэ тахсар сааһы 2028 сылга диэри даҕаны, ону ааһан даҕаны үрдэтэр былаан суох. Бу туһунан РФ Үлэҕэ министиэристибэтэ Судаарыстыбаннай Дуума Экэнэмиичэскэй бэлиитикэҕэ кэмитиэтин бэрэссэдээтэлин солбуйааччыта Михаил Делягин ыйытыытыгар хоруйдууругар иһитиннэрдэ, суруйда Саха сирэ саайт.
«Биэнсийэ сааһын 2028 сылга диэри да, ол кэннэ да үрдэтэр ханнык да былаан суоҕа биллэриллэр», — диэн ТАСС ааҕыныстыба официальнай докумуоҥҥа олоҕуран суруйар. Министиэристибэҕэ бэлиэтииллэринэн, биэнсийэҕэ тахсар сааска сыһыаннаах атын уларытыылар эмиэ дьүүллэһиллибэттэр уонна көрүллүбэттэр.
Санатан эттэххэ, муус устар ортотугар Судаарыстыбаннай Дуума көрүүтүгэр Уһук Хоту дойду уонна онно тэҥнэһэр сирдэ олохтоохторугар биэнсийэҕэ эрдэ тахсар быраабы төннөрөр туһунан сокуон барыла киирбитэ.
Бу барылга этиллэринэн, наадалаах хотугу уонна страховой үлэ ыстаастаах буоллахтарына, эр дьоҥҥо 55 саастарыгар, оттон дьахталларга 50 саастарыгар биэнсийэҕэ тахсар бырааптарын төннөрүөхтэрин сөп. Билиҥҥитэ сокуон барыла дьүүллэһии түһүмэҕэр сылдьар.
