5 Олунньу 05.02
  • -43°
  • $ 70,38
  • 76,73

Бэтэринээрдэр Хоточчу сүөһүлэригэр быһыы туруораллар

Читайте нас на
Яндекс Новости
ЯДВ

Хаҥаластааҕы ветеринарнай управление учаастактааҕы исписэлиистэрэ бу күннэргэ нэһилиэнньэ сүөһүтүгэр быһыы туруораллар, анаалыс ылаллар. Сылга иккитэ ыытыллар дьаһал сүөһү кыстыкка туругун тупсарыыга ананар.

Бу күннэргэ олохтоох учаастак сэбиэдиссэйэ Татьяна Яндреева, 1 Дьөппөн учаастагын сэбиэдиссэйэ Андрей Варламов уонна Бэстээхтээҕи пуун сэбиэдиссэйэ Савва Накатов буолан, Хоточчуга үлэлииллэр. Манна барыта 430 сүөһү баар.

— Бруцеллёзка уонна лейкозка хаан анаалыһын ылабыт, сүөһү үөнүгэр быһыы туруорабыт. Маннык тэрээһин сылга иккитэ оҥоһуллар. Нэһилиэк сүөһүтүгэр барытыгар туруорабыт. Хоточчуга билиҥҥи ааҕыынан 430 сүөһү баар. Өссө чуолкай сыыппара тахсыаҕа. Варламовтарга 3 козалаахтар. Кинилэр эмиэ хабыллаллар. Быйыл саҥа хотон туттан, киэҥник-куоҥнук тураллар. Сүөһүлэрин ахсаана эбиллибит, — диэн кэпсээтэ СИА-ҕа Татьяна Яндреева.

Следите за самым важным и интересным в Telegram-канале и WhatsApp-группе ЯСИА
9
0