27 Тохсунньу 27.01
  • -48°
  • $ 73,82
  • 83,32

Бэс ыйын 15 күнэ. Удачнай алмааһа, судаарыстыбаннай наҕараада уонна Христофор Колумб - Бикипиэдьийэ

Бэс ыйын 15 күнэ — Азербайджааҥҥа Омук быыһаммыт күнэ.  «Саха Өрөспүүбүлүкэтин судаарыстыбаннай наҕараадаларын туһунан» сокуон ылыныллыбыт. Далдын үрэх тардыытыгар алмаас үөскээбит сирэ аһыллыбыт уонна да атын история чахчыларын Бикипиэдьийэҕэ аах.


Бикипиэдьийэҕэ сурулларынан, 1993 сыллаахха Азербайджааҥҥа Гяндж куоракка байыаннайдар өрө турбуттар, гражданскай сэрии саҕаланан испит, ону тохтотор туһуттан оччотооҕу салалта Гейдар Алиевы ыҥырбыт, кини бу күн былааска кэлбит уонна сэриини тохтоппут.

🔹Б. э. инн. 763 сыл — Ассирияҕа Күн өлүүтүн бэлиэтээн сурукка киллэрбиттэр. Бу түгэни былыргы Месопотамия устуоруйатын хронологиятын чуолкайдыырга туһаммыттар.

🔹1410 — Онон өрүһүгэр буолбут быһаарыылаах кыргыһыыга 100 тыһ. киһилээх Кытай сэриитэ Илин Монгуол сэриитин кыайбыт.

🔹1502 — Бүтэһик экспедициятын кэмигэр Христофор Колумб Мартиника арыыны арыйбыт.

🔹1752 — Америка учуонайа уонна дойдуну төрүттээчилэртэн биирдэстэрэ Бенджамин Франклин чаҕылҕан электричество буоларын дакаастаабыт.

🔹1774 — аҕыйах ый (1774 сыл тохсунньу 17 күнүттэн) Саха сирин бойобуодатынан ананан сулууспалаабыт киһи Ларион Черемисинов дуоһунаһыттан уурайбыт.

🔹1842 — Нерчинскэй хаатыргатыттан 1841 сыл кулун тутарыгар күрээбит Манчаары Баһылай төттөрү Нерчинскэйгэ тутан ыыталлар. Сүүһүгэр бэчээттээҕинэн билэн, аймаҕар ат уларса тиийбитин туппуттар.

🔹1935 — Бүлүү сүнньүгэр алмаас хостонуон сөбүн билгэлээбит Бүлүү куоратын учууталыгар Пётр Староватовка «Үлэ Дьоруойа» аат иҥэриллэр.

🔹1954 — УЕФА олохтоммут.

🔹1955 — Далдын үрэх тардыытыгар алмаас үөскээбит сирэ аһыллыбыт — «Удачная» диэн ааттаммыт кимберлит трубката — Арассыыйаҕа саамай улахан алмаас үөскээбит сирэ.

🔹2001 — СӨ Төрүт сокуонугар уларыйыылар киирбиттэр, холобур «сувереннай» диэн тыллар сотуллубуттар, СӨ нолуогун сулууспата СӨ түмэнигэр бас бэриммэт, быһаччы РФ нолуогун сулууспатыгар бас бэринэр буолбут.

🔹2004 — «Саха Өрөспүүбүлүкэтин судаарыстыбаннай наҕараадаларын туһунан» сокуон ылыныллыбыт.

Төрөөбүттэр:

🔸1936 — Мэҥэ Хаҥалас оройуонун Ходоро нэһилиэгэр Филипп Охлопков (2009 өлб.), бэлиитик.

Өлбүттэр:

🔹1999 — Егор Кычкин (06.03.1929 төр.) — судаарыстыбаннай тутуу бэтэрээнэ. Саха Өрөспүүбүлүкэтин ытык киһитэ.

https://sah.wikipedia.org/wiki/Ходоро_нэһилиэгэ_(Мэҥэ-Хаҥалас_улууһа)

https://sah.wikipedia.org/wiki/Бэс_ыйын_15

https://sah.wikipedia.org/wiki/Манчаары_Баһылай

https://sah.wikipedia.org/wiki/Охлопков_Филипп_Гаврильевич

https://sah.wikipedia.org/wiki/Саха_Өрөспүүбүлүкэтин_Төрүт_Сокуона

https://sah.wikipedia.org/wiki/Черемисинов_Ларион_Михайлович

https://sah.wikipedia.org/wiki/Кычкин_Егор_Дмитриевич

https://sah.wikipedia.org/wiki/Саха_Өрөспүүбүлүкэтин_судаарыстыбаннай_наҕараадалара

0
0
27 января 27.01
  • -48°
  • $ 73,82
  • 83,32