Саха сирин баһылыга Айсен Николаев «Якутия, вперед!» биэриигэ ыам ыйын 28 күнүгэр Арктика хайысхаларыгар субсидиялаах авиабилиэттэр атыылара саҕаланарын туһунан иһитиннэрдэ. Кини этэринэн, бэс ыйын 1 күнүттэн 14 маршрутунан билиэттэр атыыга тахсыахтара.
Салайааччылар тустаах систиэмэни сөптөөхтүк оҥорууга улахан үлэни ыыппыттара этилиннэ.
«Өрөспүүбүлүкэ олохтоохторо миэхэ хаста да чэпчэтиилээх көтүүнэн биир киһи хаста да туһанар, оттон атыттар оннук кыаҕа суохтар, бу сиэрэ суох систиэмэ туһунан эппиттэрэ. Ону таһынан, атыыламмыт билиэттэри учуоттааһын ситэтэ суох этэ. Саамай сүрүнэ, биһиги ыраах сытар оройуоннарбыт олохтоохторо субсидия көмөтүнэн Дьокуускайга диэри көтөр кыахтаныахтара», – диэн Айсен Николаев бэлиэтээн эттэ.
Кини аныгы систиэмэ сөпкө оҥоһуллубутун, субсидиялаах миэстэлэри туһаныыны хонтуруоллуур саҥа механизмнар киирбиттэрин, бу дьоҥҥо-сэргэҕэ сиэрдээхтик түҥэтиини хааччыйыаҕын тоһоҕолоото.
Баһылык бу боппуруоһу тус хонтуруолугар илдьэ сылдьарын эттэ.
