Үрүҥ Айыы Тойон ыйын, ол эбэтэр бэс ыйын көрсөбүт.
Айыы итэҕэлэ
Үрүҥ Айыы Тойон үрүҥ тыынын тохсус халлааҥҥа түһэрэн, алгыһы төрүттээбит, туому олохтообут, сиэри ситэрбит.
Кини алгыһыттан Айыы суола арыллыбыт, Аан дойду үөскээбит, Орто дойду оҥоһуллубут, Айыы дьоно үөскээбиттэр. Аан дойду барыта Үрүҥ Айыы алгыһынан тутуллан турар. Былыргы сахалар кинини киһи хараҕа кыайан көрбөт сырдык курдук өйдүүллэрэ.Ол иһин бэс ыйын, күн муҥутаан уһаан, чугаһаан турар кэмин, Үрүҥ Айыы ыйынан ааттыыбыт.
Сүө, ый дуомнара
Бу ыйга Айыыларга, ытык өйдөбүллэргэ сыһыаммытын салайабыт:
- ыһыахха кыыһырсыма, этиһимэ, охсуһума — аньыы;
- ыһыахха куһаҕаны санаама, үөхсүмэ — аньыы;
- ыһыах аһын-үөлүн сиримэ — аньыы;
- ыһыах сиэрин-туомун кэһимэ — Айыылар хоргутуохтара.
Саха ыалын халандаарыттан Саха сирэ саайт суруйда.
«Айар» кинигэ кыһата, 2026 с.
