27 Тохсунньу 27.01
  • -48°
  • $ 73,82
  • 83,32

Бэрдьигэстээхтээҕи «Баһаатай» лааҕыр оҕолору лидер буоларга үөрэтэр

13:00, 22 июля 2016
Текст:

От ыйын 4 күнүттэн дьиэ кэргэн уонна ыччат социальнай-психологическай өйөбүлүн киинин иһинэн, Бэрдьигэстээххэ иккис сезонун «Баһаатай» лааҕыр үлэлиир.


Лааҕырга 1-8 кылаас үөрэнээччилэрэ улууспут нэһилиэктэриттэн уонна сайыҥҥы кэмҥэ эбэлэригэр, эһэлэригэр сынньана кэлбит оҕолор сылдьаллар. Лааҕыр оҕо ис эйгэтин арыйарга, лидерскэй хаачыстыбатын үрдэтэргэ, баһаатай буоларга үөрэтэр.

Профориентационнай үлэ чэрчитинэн оҕолор улуустааҕы киин балыыһа, ГАИ, полиция, улуустааҕы киин балыыһа о.д.а тэрилтэ үлэһиттэрин кытта көрсүһэллэр, тэрилтэлэринэн экскурсияҕа сылдьаллар. Бу оҕолор инники идэлэрин талалларыгар туһалаах буолуо. Лааҕыр иитээччилэринэн Василина Черепанова, Саргылаана Андреева, Александра Васильева үлэлииллэр.

Оҕолор лааҕырга сылдьалларыттан олус үөрэллэрин кэпсииллэр. «Биһиги лааҕырбытыгар сарсыарда кэлэн зарядкалыыбыт, оонньуубут, аһыыбыт. Бары табаарыстыы буоллубут. «Азия оҕолоро» Оонньуу уотун көрсүүгэ флешмобка кыттыбыппыт», — диир Семен Данилов аатынан Бэрдьигэстээх орто оскуолатын V кылааһын үөрэнээччитэ Слава Семенов.

«Мин бу лааҕырга үһүс сылбын сөбүлээн сылдьабын. Тэттик киинэлэри, клиптары устарга холонобут. Киинэлэрбитин «Саха» НКИК «Күлүмэн» биэриитигэр ыытыахтаахпыт. «Олимпиец» спортивнай, «Аргыс» айар дьоҕурдаах оҕолор лааҕырдарын кытта шефтэһэбит. Кинилэри кытта айылҕаҕа сынньана тахсыахтаахпыт» — диир ити оскуола VIII «б» кылааһын үөрэнээччитэ Дайаана Степанова.

0
0
27 января 27.01
  • -48°
  • $ 73,82
  • 83,32