29 Кулун тутар 29.03
  • -10°
  • $ 92,26
  • 99,71

Бэрдьигэстээххэ ыччат слета ыытылынна

11:11, 20 сентября 2016
Текст:
Читайте нас на
Яндекс Новости
ЯДВ

Бэрдьигэстээххэ балаҕан ыйын 16 күнүгэр ыччат слета тэрээһиннээхтик ыытылынна. Бу улууска ыытыллар «Ыал тэлгэһэтинэн» эдэр ыалларга аналлаах күрэс кэнниттэн иккис улахан тэрээһин буолар. 


Слетка 6-лыы киһиттэн турар гимназия, С.П. Данилов аатынан Бэрдьигэстээх оскуолата, Бэрдьигэстээх орто оскуолара, баһаарынайдар уонна дьону реабилитациялыыр киин хамаандалара күөн көрүстүлэр.

Күрэхтэһии «РИО-2016» тиэмэҕэ визитка, территорияны ыраастааһын, киэргэтии, бириэмэҕэ уот оттооһуна, чэй өрөөһүнэ, викторина, көрдөөх стартар, музыкальнай диэн түмүһэхтэртэн турда. Хас биирдии түһүмэх олус сэргэхтик ааста. Хамаандалар бэлэмнээх кэлбиттэрэ көстөр. Визиткаҕа Велокобритания, Россия, Америка дойдуларын көрдөрбүттэрэ кэрэхсэттэ. Түһүүлэммит сирдэрин 10 мүнүүтэ иһигэр түргэнник хомуйдулар. Онон хайа хамаанда түмсүүлээҕин, сымсатын, бары көрүҥҥэ дьоҕурдааҕын көрдөрдүлэр.

«Хамаандалар олус көхтөөхтүк кытыннылар. Дьүүллүүр сүбэҕэ ыарахаттардаах буолла. Бу тэрээһинтэн көрөммүт кэлиҥҥи өттүгэр түһүмэхтэрин эбиэхпит, кэҥэтиэхпит, уларытыылары киллэриэхпит. Элбэх кыттааччыны түмүөхпүт диэн эрэнэбит», − диэтэ Ыччат политикатыгар, культураҕа уонна спорка агентство салайааччыта, дьүүллүүр сүбэ бэрэссэдээтэлэ Айта Петрова.

Тыҥааһыннаах күрэс кэнниттэн кыайыылааҕынан гимназия хамаандата грамотанан, кубогынан, 20 тыһ.солк. харчынан наҕараадаланна. Иккис миэстэ баһаарынайдар уонна реабилитационнай киин үлэһиттэрин хамаандата грамота, 10 тыһ. солк.харчынан, үһүс миэстэ С.П.Данилов аатынан Бэрдьигэстээх орто оскуолата грамота, 6 тыһ.солк. харчынан бириэмиэйэни туттулар. Бастыҥтан бастыҥ кыттааччыларга номинациялары анаатылар.

Тэрийээччилэринэн «Бэрдьигэстээх нэһилиэгэ» МТ, «Ыччат политикатыгар, культураҕа уонна спорка» агентствота уонна «Айылҕа харыстабылын» улуустааҕы инспекцията буолаллар.

Следите за самым важным и интересным в Telegram-канале и WhatsApp-группе ЯСИА