16 От ыйа 16.07
  • 21°
  • $ 87,81
  • 95,78

Бэрдьигэстээххэ саҥа кыбаартал үлэҕэ киириэҕэ

Читайте нас на
Яндекс Новости
ЯДВ

Быйылгы сыл саҕаланыытыгар Горнай оройуонун Бэрдьигэстээх нэһилиэктэригэр 176 кыбартыыралаах сэттэ дьиэттэн турар саҥа кыбаартал үлэҕэ киириэҕэ. Уопсай тутуу 97 %- на оҥоһуллар. Бары дьиэлэргэ ититии киирдэ, отделочнай үлэлэр бараллар.

Тутуу бүтэрин саҕана уоттан сэрэхтээх буолуу резервуардаах носуос станциятын уонна уулаах резервуардары үлэҕэ киллэриллиэхтэрэ.

Ону сэргэ, 2023 сыл бастакы кыбартаалыгар нэһилиэккэ 550 миэстэлээх саҥа үс мэндиэмэннээх оскуола үлэҕэ киириэҕэ.

Бэс-Күөлгэ быйыл үһүс кыбартаалга саҥа оскуоланы уонна элбэх функциялаах киин  үлэҕэ киирэрэр былааннанар.

Бэрдьигэстээххэ социальнай гаастааһын бырагыраамата ситиһиилээхтик олоххо киирэр – олорор дьиэлэри гаас ситимигэр холбууллар. Оройуон атын нэһилиэктэригэр дьиэлэри киин ититиигэ холбууллар. Маҕарас уонна Кэптин нэһилиэктэригэр киин ититиигэ чааһынай секторы холбуур туһугар саҥа кыбартаалынай хочуолунайдар тутуллуохтаахтар.

Муниципалитет салайааччыта Никита Андреев Саха сирин баһылыгар Айсен Николаевка тутуу матырыйаалларын, иккис сырьену, пластиковай түннүктэри, тимир уонна да атын оҥоһуктары оҥорууга резиденнэр үлэлэрин тэрийэр былааннааҕын билиһиннэрдэ.

Маны таһынан, Орто-Сурт-Кэптин муниципальнай суолу тутуу боппуруостара туспа көрүлүннүлэр. Өрөспүүбүлүкэ суолун пуондатын уонна Горнай оройуон бүддьүөтүн үбүн суотугар муниципальнай суол 15 км учаастагын тутууга бырайыактыыр-сметнэй докумуону оҥоруу түмүктэннэ.

Следите за самым важным и интересным в Telegram-канале и WhatsApp-группе ЯСИА