13 От ыйа 13.07
  • 17°
  • $ 87,74
  • 95,76

Бэрдьигэстээххэ РФ Конституциятын күнүгэр медиа-уруоктары ыыттылар

Читайте нас на
Яндекс Новости
ЯДВ

Бэрдьигэстээххэ П.Д.Аввакумов аатынан Киин бибилэтиэкэ РФ Конституциятын күнүгэр  медиа-уруоктары ыытта диэн, СИА иһитиннэрэр.

Арассыыйа үтүөлээх юриһа,  судаарыстыбаннай тутул эйгэтигэр Максим Аммосов аатынан СӨ Судаарыстыбаннай бириэмийэтин  лауреата, Арассыыйа прокуратуратын бочуоттаах үлэһитэ, Арассыыйа үөрэҕириитин бочуоттаах үлэһитэ, Судаарыстыба куттал суох буолуутун бочуоттаах сотруднига, Горнай улууһун, Атамай, Октябрьскай  нэһилиэктэрин бочуоттаах олохтооҕо Макар Макарович Яковлевка анаммыт видеокиинэни  Бэрдьигэстээх оскуолаларыгар көрдөрдүлэр уонна кэпсээтилэр. Киинэни киин бибилэтиэкэ үлэһиттэрэ бэлэмнээтилэр.

Макар Макарович СӨ Конституциятын төрүттэниитигэр үлэлэспит уопуттаах юрист. СӨ Конституциятын (Төрүт Сокуонун) бэлэмнээһиҥҥэ уонна чочуйууга сүрүннүүр докумуоннары ырытан оҥорууга уһулуччулаах кылаатын киллэрбитэ. 1992-1994 сс. СӨ Конституционнай суутун судьуйатынан үлэлээбитэ.  Кини дойду сүрүн докумуонун барылын үөрэтэр уонна сокуоннар итэҕэстэрин-быһаҕастарын туоратар туһугар этии киллэриигэ күүстээхтик үлэлэһэр, санаатын аһаҕастык тириэрдэр.

Оҕолор киэн туттар биир дойдулаахтарын Макар Макарович  үлэлээн ааспыт олоҕун, үлэтин  өрөспүүбүлүкэ уонна Арассыыйа сайдыытыгар, сокуон, быраап өттүгэр дьоһун кылаатын киллэрбитин туһунан элбэҕи биллилэр, үөрэттилэр.


Айталина Санникова

П.Д.Аввакумов аатынан киин бибилэтиэкэ бибилэтиэкэрэ

Следите за самым важным и интересным в Telegram-канале и WhatsApp-группе ЯСИА