Дьокуускайдааҕы култуура уонна ускуустуба коллеhа «Күн өркөн» диэн уопсастыбаннай бириэмийэтин туттарыы Суорун Омоллоон аатынан опера уонна балет тыйаатырыгар буолла. Үрдүк таhаарыылаахтык үлэлээбит колледж выпускниктара бу күн эҕэрдэ эгэлгэтин туттулар.
«Быйылгы үлэни-хамнаһы сыаналыыр, наҕараадалыыр хамыыһыйаҕа тохсунньу ыйтан саҕалаан 110-тан тахса мэктиэ сурук бары улуустартан киирбитэ. Колледж дириэктэрэ Захар Никитин салалтатынан бу үөрэх кыһатын бары салааларын салайааччылара хамыыһыйаҕа киирэн улахан болҕомтолоохтук үлэлээтилэр. Үлэ таһаарыытынан, болҕомтону тардыытынан, далааһынынан, сонун сүүрээни киллэриитинэн, о.д.а. ирдэбиллэринэн көрүлүннүлэр», — диир колледж методиһа Василий Бачьев. Түмүккэ анал ааттар кыайыылаахтара маннык быһаарыллыбыттар:
«Күн Өркөн эрэлэ» — колледж 4-с кууруһун устудьуоннарыгар тиксибит. Эдуард Жирков (үҥкүү салаата), Василий Новоприезжай («Этнохудожественнай айымньы»), Люция Грязнухина (эстрада ырыаһыттарын бэлэмниир салаа), Алексей Ефимов (муусука тыаһын-ууһун оҥорооччу);
«Идэҕэ эрэл» — Елизавета Попова, ССРС култуура туйгуна, СӨ култуура үтүөлээх үлэһитэ, Дьокуускайдааҕы култуура уонна ускуустуба коллеһын хор дирижеругар бэлэмниир салаа преподавателэ, хормейстер;
«Этнохудожественнай айымньы» — Александр Дьячковскай – Саарын, СӨ култуура туйгуна, Олоҥхо тыйаатырын артыыһа;
«Хор дирижера» — Фекла Попова, СӨ култуура үтүөлээх үлэһитэ, СӨ култуура туйгуна, Чурапчы улууһун Хоптоҕо нэһилиэгин бочуоттаах олохтооҕо, Дириҥ народнай хорун салайааччы;
«Бибилэтиэкэ үлэтигэр» — Маргарита Иванова, үрдүк квалификациялаах библиограф, Аллайыаха кииннэммит биир тиһиктээх бибилэтиэкэтин методиһа, кылаабынай бибилэтиэкэрэ;
«Үҥкүүгэ» — Ирина Егорова, СӨ култуура үтүөлээх үлэһитэ, РФ «Сюрприз», «Ярилов день» бастыҥ кэллэктииптэр художественнай салайааччылара;
«Музыкальнай звукооператорскай маастарыстыба» — Константин Васильев, СӨ циркэ испэсэлииһэ;
Эстрадаҕа — Павел Семенов, СӨ үтүөлээх артыыс, эстрада тыйаатырын артыыһа;
«Режиссура» — Елена Слепцова – Куорсуннаах, СӨ үтүөлээх артыыс, П.Ойуунускай аатынан Судаарыстыбаннай бириэмийэ лауреата, бэйиэттэргэ Намжил Нимбуев аатынан норуоттар икки ардыларынааҕы күрэхтэһии Гран-Притын хаһаайката;
«Киинэ ускуустубата» — Федот Львов, СӨ үтүөлээх артыыс, СӨ эдэр көлүөнэ тыйаатырын артыыһа;
«Театр ускуустубата» — Иннокентий Луковцев, СӨ үтүөлээх артыыс, Россия судаарыстыбаннай бириэмийэтин лауреата, Саха академическай драматическай тыйаатырын артыыһа.
Долгутуулаах дьоро киэһэҕэ мустубут көрөөччүлэри, ыалдьыттары СӨ култуура уонна духуобунай сайдыы миниистирэ Владимир Тихонов, Дьокуускайдааҕы култуура уонна ускуустуба коллеһын дириэктэрэ, СӨ култуура туйгуна, СӨ айар дьоҕурдаах култуура үлэһиттэрин түмсүүтүн бэрэссэдээтэлэ Захар Никитин эҕэрдэлээтилэр. Үөрүүлээх түһүлгэ ыалдьыттара колледж устудьуоннарын чаҕылхай кэнсиэртэрин көрдүлэр, дуоһуйа оһуохайдаатылар.
