14 Атырдьах ыйа 14.08
  • 16°
  • $ 60,9
  • 62,54

Бастакы "Евразиада"-ны Саха сиригэр ыытарга этии киирдэ

Саха сиригэр «Евразиада» национальнай уонна олимпийскайа суох спорт көрүҥнэригэр бастакы евразийскай күрэхтэһиилэри ыытыыга этии киирдэ. Ол туһунан Ил Дархан Айсен Николаевка Россия норуоттарын Ассамблеяларын сэбиэтин председателэ, генеральнай секретарь бастакы солбуйааччыта — Евразия норуоттарын Ассамблеятын генеральнай секретариатын салайааччыта Светлана Смирнова эттэ.

Бырайыак национальнай уонна олимпийскайа суох спорт көрүҥнэрин, национальнай култууралар уонна форумнар евразийскай фестивалларын хабар. Светлана Смирнова Саха сирин баһылыгар бастакы «Евразиаданы» Саха сиригэр ыытар боппуруоһу көрөрүгэр этии киллэрдэ.

Айсен Николаев бэлиэтээбитинэн, өрөспүүбүлүкэ евразийскай оонньуулары ыытыыга сөптөөх миэстэ, усулуобуйа баар.

«Мин Россия норуоттарынАссамблеята уонна Саха сирин бырабыыталыстыбата сөбүлэҥ сурукка илии баттаһарга эттим. Бу докумуон чэрчитинэн тэрээһиннэр былааннарын оҥорор туһунан санаабын тириэртим. Саха сирэ норуоттар ардыларынааҕы дьаһаллары ыытыыга улахан уопуттаах. Саха сирин ассамблеятын, А.Е. Кулаковскай аатынан норуоттар доҕордоһууларын киинин кытта үтүө сыһыпаннаах доҕордуу буолбуппут ыраатта. Биһиги маны олус сыаналыыбыт уонна Саха сирин кытта салгыы бииргэ үлэлииргэ бэлэммит», — диэтэ Светлана Константиновна.

Сиһилии https://ysia.ru/pervye-evrazijskie-igry-po-natsionalnym-vidam-sporta-evraziada-predlozheno-provesti-v-yakutii/

Следите за самым важным и интересным в Telegram-канале и WhatsApp-группе ЯСИА
0
0