Өктөм нэһилиэгин бибилэтиэкэтин үлэһиттэрэ, биир дойдулаахтара, СӨ Бастакы Президенэ Михаил Ефимович Николаев 85 сааһын көрсө бэлэмнэнии үлэтин саҕалаатылар.
Өктөмнөөҕү модельнай бибилэтиэкэ сүдү киһилэригэр анаан улахан кинигэ быыстапкатын, эдэр ыччакка Николаев ааҕыыларын тэрийээри бэлэмнэнэллэр.
«Маны таһынан биобиблиографическай ыйынньыгы оҥоруунан үлэлээбиппит үһүс сыла. Михаил Ефимович төрөөбүт күнүгэр, сэтинньи 13-гэр, бастакы кинигэни таһаарарга былаанныыбыт. Бу ыйынньыгы оҥорорго улуустааҕы кииннэммит бибилэтиэкэ библиограба Альбина Наумова көмөтө улахан», диэн суруйда Мотрена Павлова, Өктөм модельнай бибилэтиэкэтин бибилэтиэкэрэ.
Источник: gazetahangalas телеграм-ханаала
