23 От ыйа 23.07
  • 28°
  • $ 87,78
  • 95,76

Барыллаан куоластааһыҥҥа өрөспүүбүлүкэ бары олохтооҕо кыттар

10:13, 22 мая 2016
Текст:
Читайте нас на
Яндекс Новости
ЯДВ

Бүгүн, ыам ыйын 22 күнүгэр, балаҕан ыйыгар ыытыллыахтаах Госдума депутатын быыбарыгар кандидаты талыыга «Биир ньыгыл Россия» партия ыытар барыллаан куоластааһынын күнэ. Саха сиригэр барыта 165 быыбардыыр учаастак арылынна. Куоластааһын сарсыарда 8 чаастан киэһэ 8 чааска диэри ыытыллыа. 


Ким баҕарар, кини ханна олороруттан тутулуга суох, депутакка кандидат буоларга сөптөөх диэбит киһитигэр бэйэтин куолаһын биэрэр бырааптаах. Бу аан бастаан партия иһинэн ыытыллар барыллаан куоластааһын Госдума быыбарын хампаанньатын быдан иннинэ ким кандидат буоларын билэргэ усулуобуйаны тэрийэргэ ананар.

Барыллаан куоластааһыҥҥа кандидаттарынан 15 киһи туруммутуттан, 12-тэ эр киһи, 3 дьахтар. Аҕыс киһи партия чилиэннэринэн буолаллар, сэттэтэ партията суохтар.

Праймериз ирдэбилин быһыытынан, хас биирдии кыттааччы кырата иккитэ дебакка кыттыбыт буолуохтаах. Ол кэпсэтиилэри PG.ER.RU. саайтка киирэн көрүөххүтүн сөп.

Барыллаан куоластааһыҥҥа кыттар бары кандидаттар Саха сиригэр бэйэлэрин үлэлэринэн, уопсастыбаннай көхтөрүнэн биллэр дьон: СӨ  Правительствотын Председателэ Данчикова Галина Иннокентьевна, СӨ Ил Дарханын уонна Правительствотын дьаһалтатын салайааччы Куприянов Юрий Степанович, СӨ Ил Түмэнин экономикаҕа, инвестиционнай уонна промышленнай политикаҕа, предпринимательствоҕа, туризмҥа уонна  инфраструктураны сайыннарыыга сис кэмитиэтин председателэ Федоров Виктор Николаевич, норуот депутата, М.К. Аммосов аатынан ХИФУ студеннар сайдыыларын управлениетын уопсастыбаннай түмсүүлэри кытта үлэ  секторын сэбиэдиссэйэ Сусоев Александр Владимирович, СӨ айылҕа харыстабылын миниистирэ Афанасьев Сахамин Миланович, Бүтүн Россиятааҕы народнай фронт регионнааҕы тэрийэр кэмитиэтин салайааччыта Лютый Валерий Алексеевич, Дьокуускай куорат хаһаайыстыбатын эксплуатациялыыр сулууспа тас тупсарыныыга кэтээн көрүү отделын начальнига Аммосов Владимир Владимирович, казачество сайдыытын өйүүр республикатааҕы общественнай-государственнай фонда генеральнай дириэктэрэ Гриценко Александр Павлович, П.А.Ойуунускай аатынан Саха академическай театрын дириэктэрэ Николаев Анатолий Павлович, 3 №дээх куорат балыыһатын кылаабынай бырааһа Давыдова Светлана Николаевна, РНА Сибиирдээҕи салаатын ирбэт тоҥ биологическай проблемаларын Институтун научнай үлэһитэ Захаров Евгений Сергеевич, Нерюнгри куоракка «Футболга оҕо-ыччат өрөспүүбүлүкэтээҕи анал оскуолата» тэрилтэ дириэктэрэ Кравец Юрий Богданович, «Саха Сирэ» хаһыат кылаабынай редактора Гаврильев Чокуур Николаевич, «Хотугулуу-илиҥҥи атыы-тутуу хампаанньата» ХЭУо дириэктэрэ Петров Алексей Дмитриевич, «Билии» уопсастыба исписэлииһэ Соловьева Зоя Егоровна.

Улуустарга көхтөөх куоластааһын бара турар.

Дьокуускай бириэмэтинэн Абыйга 9 ч. 15 мүнүүтэҕэ 238 киһи куоластаата, Черскэйгэ 8 чааска 15 киһи бэйэтин гражданскай быраабын туһанна, Муомаҕа 9 чааска 189 киһи.  Улуус болуоссаттарыгар рассада атыытыгар дьаарбаҥка, норуот күүлэйэ ыытыллар.

Следите за самым важным и интересным в Telegram-канале и WhatsApp-группе ЯСИА