2026 сылга экспорка страховка өҥөтүн оҥорор, 100% аахсыйалара Арассыыйа Федерациятыгар бас бэринэр юридическай сирэй эппиэтинэһигэр судаарыстыбаннай мэктиэни биэрии бэрээдэгэ уонна усулуобуйалара бигэргэннэ. Киниэхэ экспортнай кирэдьииттэри уонна инвестициялары урбаан уонна бэлиитикэ кутталларыттан страховкалааһын сүктэриллибит.
Арассыыйа Бэдэрээссийэтин Бырабыыталыстыбатын 2026 сыл балаҕан ыйын 12 күнүнээҕи 1165 №-дээх уурааҕа «Экспорга страховка өҥөтүн оҥорор Арассыыйа Федерациятын юридическай сирэйин эппиэтинэһигэр Арассыыйа Бэдэрээссийэтин судаарыстыбаннай мэктиэтин туһунан».
2 тыһыынча 86 солкуобайтан 2 тыһыынча 758 солкуобайга диэри Росгвардия, Арассыыйа ЫБММ быыһыыр байыаннай тэриллиилэрин, бэдэрээлинэй баһаарынай сулууспа байыаннай подразделениеларын, Арассыыйа ФСБ-тын уонна ФСО-тын сэриилэригэр сулууспаҕа ыҥырыллыбыт байыаннайдар хамнастара үрдээтэ.
Арассыыйа Федерациятын Бырабыыталыстыбатын 2026 сыл балаҕан ыйын 15 күнүнээҕи 1169 №-дээх уурааҕа «Арассыыйа Бэдэрээссийэтин Бырабыыталыстыбатын 2020 сыл от ыйын 10 күнүнээҕи 1014 №-дээх уурааҕар уларытыылары киллэрии туһунан».
Экэнэмиичэскэй сайдыыга уонна интеграцияҕа бырабыыталыстыба хамыыһыйатын туһунан балаһыанньаҕа уларытыылар киирдилэр.
Таможня-тарыып уонна тарыыба суох бэрээдэктээһин, тас эргиэҥҥэ көмүскүүр миэрэлэр уонна экэнэмиичэскэй интеграция эйгэлэригэр хамыыһыйа соруктарын саҥардан биэрдилэр. Хамыыһыйаҕа наада буоллаҕына Европа сойууһун кытта эргиэн-экэнэмиичэскэй сыһыаннаһыылар боппуруостарыгар позициялары оҥоруу боломуочуйалара сүктэрилиннэ.
Арассыыйа Бэдэрээссийэтин Бырабыыталыстыбатын 2026 сыл балаҕан ыйын 15 күнүнээҕи 1170 №-дээх уурааҕа «Арассыыйа Бэдэрээссийэтин Бырабыыталыстыбатын 2009 сыл ахсынньы 30 күнүнээҕи 1166 №-дээх уурааҕар уларытыылары киллэрии туһунан», суруйда Саха парламент саайт.
Тылбаас: Артур Харбанов
