17 Балаҕан ыйа 17.09
  • 19°
  • $ 73,19
  • 86,89

Байаҕантайдааҕы 560 №-дээх учаастак быыбары ыытарга бэлэмнэнэр

Байаҕантай нэһилиэгин Советскай Союз Геройа Федор Матвеевич Охлопков аатынан кыраайы үөрэтэр музей директора Любовь Севостьянова,үлэтин таһынан 2017 сыллаахтан 560 №-дээх учаастактааҕы быыбаардыыр хамыыһыйа бэрэссэдээтэлинэн талыллан үлэлиир. Быйылгы быыбарга да кини көхтөөх үлэни тэрийэр.

Любовь Севастьянова быыбардыыр хамыыһыйаҕа үлэтин туһунан маннык санаатын үллэһиннэ: «Быыбарга нэһилиэккэ пропискалаах дьонтон 60 % кыттар. Хамыыһыйа чилиэннэрэ бары биир киһи курдук этиллибит бириэмэтигэр кэлэн быыбары ыытабыт. Хайа да чилиэн утарбакка, эппиэтинэстээхтик  ылынан үлэлиир. Быыбар ыытарга сокуоннары билии ирдэнэр. Ханнык баҕарар үлэ улахан эппиэтинэһи ирдиир. Ол курдук хамыыһыйа үлэлиэн инниттэн элбэх докумуон ирдэнэр, ону барытын уһаппакка тута оҥорон ыытыахха наада. Мин дьону кытта тэҥҥэ сылдьан үлэлиирбин сөбүлүүбүн, онон бу быыбар хамыыһыйатыгар үлэлээн элбэх атын дьону-сэргэни кытта алтыстым, билистим. Билиҥҥи саҥа технология сайдан турар кэмигэр дьиҥ-чахчы информацияны электроннай өттүнэн ыытары күүһүрдүү үлэтэ наада. Ватсап тарҕанан турар кэмигэр, атын утарар информация элбэх кэлэр. Оҕоҕо оскуола эрдэҕиттэн быыбар туохха наадатын билиһиннэрии эрдэттэн ыытыллыан наада. Саҥа сокуоннай чааһын сиппит дьоҥҥо кыра бэлэх оҥорон хас быыбар ахсын туттарабыт».

Любовь Дмитрьевна 2020 сыл түмүгүнэн Арассыыйа Конституциятыгар уларыйыыны киллэриигэ куоластааһыны бэйэтин учаастагар үрдүк таһымнаахтык тэрийбитин иһин Бэрэсидьиэн Владимир Путин Махтал суругунан наҕараадаланна.

Сиһилии: https://xn--b1aghccefjjfdbm4afem.xn--p1ai/article/23627

17 сентября 17.09
  • 19°
  • $ 73,19
  • 86,89