16 От ыйа 16.07
  • 15°
  • $ 87,81
  • 95,78

Баатаҕайга сүөһү өлүүтэ кырдьыктаах сонун буолла

15:14, 02 марта 2016
Текст:
Читайте нас на
Яндекс Новости
ЯДВ

Көнньүнэн өлбүт сүөһүлэр, нэһиилэ иэҕэһэн турар ынахтар уонна күөрэ-лаҥкы түспүт, тоҥ сааҕынан бүрүллүбүт муосталаах хотон… Маннык хаартыскалар кулун тутар ый 1 күнүгэр батсаапка тахсаннар, бүтүн өрөспүүбүлүкэни аймаатылар.


Хаартыскаларга Уус-Алдан улууһун Баатаҕай нэһилиэгин олохтооҕо, бааһынайдарга анаммыт федеральнай бырагырааманан былырыын грант ылбыт Петр Сивцев хотоно көстөрүн туһунан этиллибит этэ.

Бу сурах чахчытын-сымыйатын билээри биһиги Уус-Алдаҥҥа төлөпүөннээн ыйыталаһан көрдүбүт итиэннэ хомойуох иһин, «куһаҕан сурах сымыйа буолбат» диэн мээнэҕэ этиллибэтин итэҕэйдибит.

Көрүү-истии мөлтөҕүн, эппиэтинэс суоҕун түмүгэ итинниккэ тиэрдибит. Сивцев хотоно тоҥ хаһаа, туох да ас-үөл диэн мэлигир, 44 сүөһүттэн 15-һэ өлбүт, иккитэ өлөөрү сытар эбит. Анаалыс ыла кэлбит бэтиринээрдэр сонно тута айдааны тарданнар, ордубут сүөһүлэри чугастааҕы хаһаайыстыбалар хотонноругар көһөрбүттэр.

Бүгүн Баатаҕайга улуус дьаһалтатыттан, улуустааҕы тыа хаһаайыстыбатын, ветеринария управлениелдарыттан хамыыһыйа тахсан үлэлии сылдьар. Биһиги бу боппуруоһу хонтуруолга тутуохпут, дьыала хайдах быһаарылларын кэмиттэн кэмигэр сырдата туоруохпут.

Улуус прокурора Павел Антипин: «Сураҕы истээт, тута олохтоох ветеринария управлениетыгар, чуолаан Михаил Михайловка, ирдэбил оҥорбуппут. Билигин Баатаҕайга бэрэбиэркэ буола турар. Туга-ханныга билиннэҕинэ сөптөөх миэрэлэри ылыахпыт», — диэн эттэ.

Следите за самым важным и интересным в Telegram-канале и WhatsApp-группе ЯСИА