Саха сирин тыйыс тымныыларыгар баһаары умуруорууга анаан оҥоһуллубут ураты убаҕаһы «Комплексная безопасность – 2023» XIV норуоттар ардыларынааҕы наука кэмпириэнсийэтигэр Арктикатааҕы научнай-чинчийэр киин уонна Н.Э. Бауман аатынан МГТУ «Автоматика и робототехника» инжиниринговай киинэ көрдөрдүлэр.
«Актуальные проблемы пожарной безопасности» наука мунньаҕар ураты убаҕас туһунан кэпсээһин интэриэһи үөскэттэ. Саха сиринээҕи АНИЦ дириэктэрэ Юрий Шипицын дакылааты оҥордо. Хос дакылааты Бауман аатынан университет инжиниринговай киинин дириэктэрэ Олег Корниенко кэпсээтэ. Тэрилтэ өрөспүүбүлүкэни кытта сөбүлэҥ быһыытынан саҥа чинчийии партнерунан буолар.
Билигин убаҕас оҥоһуллан бүтэн турар, Роспатеҥҥа патеннанна.
Ааспыт сыл олунньутугар Табаҕаҕа убаҕаһы айан оҥорооччуларынан ЫБММ уонна Саха сиринээҕи баһаары утары сулууспа кыттыылаах апробация ыытыллыбыта. Чинчийии кэннэ састааба уонна хаачыстыбата өссө тупсарыллыбыта. Оттон 2022 сыл ахсынньытыгар Сыырдаахха састаабын бэрэбиэркэлээбиттэрэ. Манна -36 кыраадыс тымныыга чинчийиини ыыппыттара. Убаҕас бэйэтин састаабын сүтэрбэтэ дакаастаммыта.
Сиһилии технологиятын туһунан манна аах: https://ysia.ru/sozdannuyu-v-yakutii-zhidkost-dlya-tusheniya-pozharov-pri-nizkih-temperaturah-predstavili-v-moskve/
