26 От ыйа 26.07
  • 19°
  • $ 85,41
  • 93,17

Бүлүү улууһугар 4382 туонна от кэбиһилиннэ

Читайте нас на
Яндекс Новости
ЯДВ

«Сайыҥҥы биир күн дьылы аһатар» диэбит курдук, бу күннэргэ Бүлүү улууһун ходуһаларыгар күнү дьылы баттаһа тэтимнээх үлэ тэриллэр. От ыйын 24 күнүн туругунан улууска 2424 гектар ходуһа охсуллубут, 2279 т от кэбиһиллибит буоллаҕына, икки хонугунан көрдөрүү икки төгүл улаатта, Олох суола суруйар.

Тэҥнээн көрдөххө, былырыын баччаларга улуус ходуһаларыгар 2328 гектар охсуллубута, 2279 т от кэбиһиллибитэ.

Оперативнай ыстаап мунньаҕар 12 нэһилиэккэ, ол иһигэр, Халбаакы, Чочу, Лөкөчөөн, Тоҕус, Тааһаҕар, Хаҕын, Өкүндү, Кыргыдай, Баппаҕаайы, Үгүлээт, I Күүлэт уонна Тылгыны нэһилиэктэригэр ходуһа сир ууга сытарынан ыксаллаах быһыы биллэриллибитэ болҕомтоҕо ылылынна.

От ыйын 26 күнүгэр Кыргыдайга Хочот уутун түһэрииигэ экскаватор үлэни саҕалаабыта, Бороҕон дьаһалтатын кытта кэпсэтии түмүгэр «Тыымпы» кэпэрэтиип мобильнай биригээдэтэ Бороҕон нэһилиэгин Муоһааны, Хоту күөл, Туруйаан күөллэрин ходуһаларыгар оттуура бэлиэтэннэ.

Оттооһуҥҥа оперативнай ыстаап атырдьах ыйын 15 күнүттэн тэрээһиннээх хаһаайыстыбалар сирдэриттэн ураты оттоммот ходуһаларга «көҥүл хотууру» биллэрдэ.

НэҺилиэктэр баһылыктара оттооһуҥҥа кыттар хаһаайыстыбалары, оттуур сирдэрин уонна бэлэмниэхтээх отторун чуолкайдыылларыгар сорудахтаннылар.

Николай Куприянов

Следите за самым важным и интересным в Telegram-канале и WhatsApp-группе ЯСИА