15 От ыйа 15.07
  • 28°
  • $ 87,74
  • 95,76

Бүлүүтээҕи педколледжка устудьуон дэгиттэр сайдыылаах буоларыгар улахан үлэ ыытыллар

11:23, 27 января 2016
Текст:
Читайте нас на
Яндекс Новости
ЯДВ

Бу күн үһүс этээс фойетыгар Светлана Мытник салайааччылаах «Стимул» устудьуоннары сайыннарар киин анал саҥа хоһо сүрэхтэннэ. Манна хас биирдии устудьуон бэйэтэ төрөөбүт улууһун аатынан түмсүүгэ киирэн дьарыктанарыгар кыах баар буолла диэн преподавателлэр астына-дуоһуйа кэпсээтилэр. Түмсүүлэр тэриллиилэрэ идэҕэ туһаайар үлэҕэ улахан төһүү күүс буолуоҕа.

Үөһээ Бүлүү улууһуттан үөрэнэр устудьуоннар «Хотун Бүлүү» түмсүүлэрэ 14 чилиэннээх үлэтин саҕалаабыт. «Хас биирдии устудьуон сонунтан сонун тэрээһиннэргэ көхтөөхтүк кытыннаҕына эдэр сааһа умнуллубаттык өйүгэр-санаатыгар хаалара саарбаҕа суох. Көннөрү устудьуон олоҕо чуҥкук буолуон сөп. Маныаха бу түмсүүлэр көмөлөрүнэн хас биирдии устудьуон колледж олоҕор быһаччы кыттыаҕа, ону тэҥэ бэйэтэ киһи быһыытынан толору сайдар кыахтаныаҕа диэн улаханнык эрэнэбит. Ол иһин буолуо, манна үөрэммит устудьуоннар үөрэммит кыһаларын хаһан да умнубаттар, куруук истиҥник саныыллар. Чахчы айар талааннаах, туохха барытыгар дэгиттэр, уһулуччу педагогтар буола үүнэн тахсыахтаахтар. Ол иһин иистэн саҕалаан телевидениеҕа, радиоҕа, хаһыакка үлэлээн бэйэлэрин талааннарын арыйдахтарына, үлэһит буолан баран талааннаах оҕолору иитэн-үөрэтэн таһаарыахтара диэн санааттан маннык күүстээх үлэ ыытыллар”, – диэн Светлана Григорьевна кылгастык кэпсээтэ.

Маны сэргэ ким туохха дьоҕурдааҕынан көрөн үп-харчы киллэринэн дохуоттанарыгар туһуланар үлэ эмиэ барар эбит. Ол курдук, оскуола иннинээҕи саастаах оҕолору иитэр-үөрэтэр үлэһиттэри бэлэмниир салаа устудьуоннара аныгылыы үйэҕэ сөп түбэһэр “аниматор” идэтигэр уһуйуллан, бырааһынньыктарга төлөбүрдээх өҥөнү оҥороллор. Ирина Петрова салайааччылаах научнай үлэ киинэ грант эйгэтигэр үлэлэһэр оҕолору дьарыктыыр.
Ити курдук, Бүлүүтээҕи педколледжка кэлбит хас биирдии саха оҕото өйдүүн-санаалыын, ис туруктуун сайдан тахсарыгар араас хайысхалаах үлэ ыытыллара олус хайҕаллаах.

Следите за самым важным и интересным в Telegram-канале и WhatsApp-группе ЯСИА