Ол тэрээһин туһунан бэтэрээннэр улуустааҕы сэбиэттэрин бэрэссэдээтэлэ Ким Федоров кэпсээтэ:
— Чаппанда нэһилиэгэр «Дьоҕур» КК бырайыгынан аҕам саастаах дьоҥҥо анаммыт тэрээһин үһүс төгүлүн тэрилиннэ. Ньурба улууһугар Кыайыы 70 сылын түмүктүүр сыаллаах аҕам саастаах дьон баалларыгар Бүлүү түөрт улууһа кыттыахтааҕыттан үөһээ-бүлүүлэр кэлбэтилэр. Баалга Бүлүү бэтэрээннэрин куораттааҕы сэбиэттэриттэн Солтуев Г.А., Сунтаартан Спиридонов Н.Н., Бүлүү куорат дьаһалтатын баһылыгын социальнай боппуруоска солбуйааччы Тихонова В.Ф., Ньурба улууһуттан улуус баһылыгын бастакы солбуйааччы Васильев И.А., улуус дьаһалтатын персоналы кытары үлэҕэ управлениетын салайааччы Туманова А.А., Октябрьскай нэһилиэк бочуоттаах гражданина Самсонов С.И., социальнай харалта управлениетын салайааччы Уларова А.М., норуот үөрэҕириитин туйгуна, педагогическай үлэ ветерана, Акана нэһилиэгин бочуоттаах гражданина Кардашевская Т.Н., Күндээдэ нэһилиэгиттэн Яков Евгеньевич, Светлана Алексеевна Замятиннар, кырдьаҕастар дьиэлэриттэн үлэ ветерана Акимова М.А. уо.д.а., барыта 170-ча аҕам саастаах дьон кыттыыны ыллылар.
Ыаллыы сытар улуустары кытары уопут атастаһыыта буолла. 2016 с. Бүлүү бөлөх улуустарын аҕам саастаах дьонугар анаан Үөһээ Бүлүү улууһугар спартакиаданы тэрийэн ыытыыга аналлаах «төгүрүк остуол» буолла. Спартакиада спорт 8 көрүҥэр: теннискэ, саанан ытыыга, хабылыкка, хаамыскаҕа, городкига, эстафетаҕа, саахымакка, дуобакка ыытыллара былааннанар.
Баалга быыстапкаҕа, хабылыкка, хаамыскаҕа бальнай үҥкүүгэ, оһуохайга, уһун суһуохха, көрдөөх оонньууларга күрэхтэр ыытылыннылар.
Түмүккэ быыстапкаҕа I м. — норуот маастара Гурьева К.Д., II м. — Гольдерова Е.Ф. (Хаҥалас), III м. — Алексеева М.Ф. (Чуукаар), хабылыкка эр дьоҥҥо: I м. -Васильев Анатолий (Сүлэ), II м. -Максимов Николай (Сунтаар), III м. — Гаврильев Макар, дьахталларга: I м. — Филиппова Мария (Ньурба), II м. — Яковлева Вера (Маар), III м. — Иванова Пелагея (Хаҥалас), хаамыскаҕа эр дьоҥҥо: I м. — Максимов Николай (Сунтаар), II м. -Гаврильев Макар (Акана), III м. — Иванов Егор (Антоновка), дьахталларга: I м. — Терешкина Эльфрида (Сунтаар), II м. -Александрова Зоя (Марха), III м. — Иванова Акулина (Сүлэ); бальнай үҥкүүгэ: I м. — Игнатьева Е.П., Афанасьев Е.Н. (Сунтаар), II м. — Фомина Т.В., Тутунаров В.А. (Бүлүү), III м. — Рожин Е.Е., Гаврильева Р.П. (Бүлүү); уһун суһуохха Бүлүү оройуонун Кыргыдай нэһилиэгиттэн сылдьар РФ, СӨ үөрэҕириитин туйгуна, Учууталлар учууталлара Софронова Г.П. кыайыылааҕынан буоллулар.
Куоталаһыы түмүгүнэн сүрүн бириис Күндээдэ нэһилиэгэр туттарылынна.
