18 От ыйа 18.07
  • 18°
  • $ 88,09
  • 96,3

Бүгүҥҥүттэн Дьааҥыга өрөспүүбүлүкэ сылгыһыттарын тэрээһинэ саҕаланна

Хаартыска: Саха сирэ саайт
Читайте нас на
Яндекс Новости
ЯДВ
Быйылгы өрөспүүбүлүкэтээҕи «Сылгыһыт күнэ» ахсыс төгүлүн Дьааҥы улууһун Верхоянскай куоратыгар Олоҥхо ыһыаҕа ыытыллыбыт Хоптолоох  сиригэр ыытыллыаҕа.

Былырыын бу маннык тэрээһин Амма улууһугар буолбута. Тыа хаһаайыстыбатын миниистирэ Артем Александров иһитиннэрбитинэн, Дьааҥыга ыытыллар “Сылгыһыт күнүгэр” 8 улуустан 13 хамаанда кыттыаҕа. Ол курдук, бу күннэргэ Амма, Мэҥэ Хаҥалас, Таатта, Ньурба, Чурапчы, Эбээн-Бытантай, Хаҥалас уонна Дьааҥы улуустарын сылгыһыттара суолталаах тэрээһиҥҥэ кыттарга бэлэмнэр.

Дьааҥыга Мэҥэ Хаҥалас улууһун сылгыһыттара тиийдилэр. Дэлэгээссийэ састаабыгар 15 киһи баар. Икки сылгыны анал массыынаҕа тиэйэн аҕаллылар. Үс күннээх уһун айаны сылгылар этэҥҥэ тулуйдулар.

Бүгүн муус устар 5 күнүгэр СӨ Тыа хаһаайыстыбатын уонна ас-үөл бэлиитикэтин министиэристибэтин  көһө сылдьар кэллиэгийэтэ ыытыллыаҕа. Муус устар 6 күнүгэр “Сылгыһыт күрэҕэ” буолуоҕа. Манна үгэс буолбут 1600 м ат сүүрдүүтэ, онтон үөрдээн иитиигэ анаммыт соноҕос атыы-быыстапката тэриллиэҕэ.  Бу тэрээһиҥҥэ анаан Дьааҥы улууһун «Баачаан» уонна «Арыылаах» сылгыны үөрдээн иитии хаһаайыстыбалара иккититтэн биэһигэр диэри 21 соноҕоһу быыстапкаҕа туруоруохтара.

— Арктическай улууска аан бастаан ыытыллар суолталаах тэрээһин сылгыны үөрдээн иитии боппуруостарыгар сыһыаннаан уопут атастаһыытын быһыытынан барыаҕа. Манна идэтийбит сылгыһыттары, учуонайдары кытта атах тэпсэн олорон сэһэргэһиэхтэрэ, эдэр сылгыһыттар бэрт үгүһү билиэхтэрэ, — диэн миниистир бэлиэтээтэ.

Бу туһунан СӨ Тыа хаһаайыстыбатын уонна ас-үөл бэлиитикэтин министиэристибэтин  пресс-сулууспата иһитиннэрдэ, суруйда Саха сирэ саайт.

Следите за самым важным и интересным в Telegram-канале и WhatsApp-группе ЯСИА