18 От ыйа 18.07
  • 17°
  • $ 88,09
  • 96,3

Бүгүн Чурапчы баһаардарын болҕомтоҕо туталлар

10:30, 16 августа 2021
Текст:
Читайте нас на
Яндекс Новости
ЯДВ

Бүгүн Чурапчы баһаардарыгар үлэлии РФ ЫБМ миниистирин бастакы солбуйааччы Александр Чуприян салайааччылаах бөлөх тиийиэ. Мэлдьэхси нэһилиэгэр Дьокуускай баһаарынайдара анал тиэхиникэлээх тиийиэхтэрэ. Бу туһунан СИАҕа улуус дьаһалтата иһитиннэрэр.


Билигин улууска 22 тыһ га сир умайар. Бэҕэһээ киэһэ 18 ч туругунан баһаарга 495 олохтоох нэһилиэнньэ, Авиалесоохрана, пожарнай-химическэй станция, ЫБММ үлэһиттэрэ үлэлииллэрэ.

Өрөспүүбүлүкэтээҕи суһал ыстаап быһаарыытынан Нерюнгриттан улахан бульдозер кэлэрэ күүтүллэр.

Мэлдьэхситээҕи бохсуллубут уоту баһаарынайдар кэтииллэр. Сэттэ уот линиялара баһаарга былдьаммыттар. Бүгүн энергетиктар чөлүгэр түһэрэр үлэни ыытыахтара.

Саха сирин үрдүнэн барыта 163 ойуур баһаара умайар. Ааспыт сууккаҕа 42 тыһ. гектар сиргэ 11 ойуур баһаарын умулуннардылар. Баһаарга 4,9  тыһ. киһи, 869 тиэхиникэ үлэлииллэр.

Таастаах, Орто-Сурт, Кырыкый, Мэлдьэхси, Ударник, Фрунзе, Үөдэй, Бээрийэ баһаардарыгар ЫБММ үлэһиттэрэ сылдьаллар. Итиннэ минерализованнай балаһалары кэҥэтии, уот көрдүгэннэрин умулуннарыы үлэлэрэ ыытыллаллар. Үөһээ Бүлүү улууһугар ЫБММ бөртөлүөттэрэ 9 туонна ууну ыстылар.

Бүгүн халлаан туругуттан көрөн Чурапчы Улахан-Эбэтигэр, Үөһээ Бүлүү Харыйалааҕар, Далырыгар, Кырыкыйыгар, Нам Фрунзетыгар, Хомустааҕар, Мэҥэ Хаҥалас Бүтэйдээҕэр авиацияны туһаныахтара.

Следите за самым важным и интересным в Telegram-канале и WhatsApp-группе ЯСИА