Хотугулуу-Илиҥҥи федеральнай университет уопсайдарыгар «Азия оҕолоро» оонньууларга кыттар 3800 киһини, ол иһигэр спортсменнары, делегациялар чилиэннэрин, волонтердары олордорго бэлэмнэр.
Уопсайдарга өрөмүөн үлэтэ ыытылынна, саҥа миэбэл ылылынна, суруйар ЯСИА.
«Биһиги университеппыт хас да сыл олимпийскай дэриэбинэнэн буолар, сотору арыллыыбыт сиэрэ-туома ыытыллыаҕа. Күүскэ бэлэмнэнэбит, Роспотребнадзор бэрэбиэркэтин ааһабыт. Волонтердар олорор хосторугар киирдилэр. Барыта 3800-тэн тахса миэстэ бэлэмнэннэ. Спортсменнарга уонна делегацияларга 2800 миэстэ бэлэмнээтибит. Корпустарга волонтердар, култуура тэрээһинин хааччыйар этэрээттэр олоруохтара. Биһиги бэлэммит, олимпийскай дэриэбинэҕэ «Азия оҕолоро» ситиһиилээхтик ааһыахтара диэн эрэнэбин», — диэтэ ХИФУ ректора Анатолий Николаев.
