19 От ыйа 19.07
  • 21°
  • $ 87,88
  • 96,1

"Азия оҕолоругар" Саха сирин хамаандатыгар бастакы икки кыһыл көмүс мэтээл кэллэ

15:30, 28 июня
Текст:
Хаартыска: ЯСИА саайта
Читайте нас на
Яндекс Новости
ЯДВ
Саха сирин мас-рестлердара Тимир Луковцев уонна Александр Захаров «Азия оҕолоро» оонньууларга өрөспүүбүлүкэ хамаандатыгар бастакы икки кыһыл көмүс мэтээли аҕаллылар. Кытаанах киирсиилэргэ кинилэр утарсааччыларын 2:0 ахсааҥҥа хотуталаатылар, суруйар ЯСИА.

Тимир Луковцев 50 кг диэри ыйааһыҥҥа күннээтэ. Үстэ кииристэ, финалга Индия бэрэстэбиитэлин Югамы кыайда. Боруонсаны бу ыйааһыҥҥа Кыргызстантан уонна Монголияттан ыллылар. Тимир Луковцев Мэҥэ Хаҥалас мас-рестлинын оскуолатын иитиллээччитэ.

Хаартыска: Дьулустаан Сергеев/ЯСИА

Хаартыска: Дьулустаан Сергеев/ЯСИА

Үөһээ Бүлүүттэн Александр Захаров 60 кг диэри ыйааһыҥҥа тэҥнээҕин булбата. Финалга Сибиирдээҕи федеральнай уокуруктан Александр Фролову кыайда. Үөһүс миэстэҕэ Кыргызстан уонна Пакистан бэрэстэбиитэллэрэ таҕыстылар.

Сарсын бэс ыйын 29 күнүгэр уолаттарга өссө үс ыйааһыҥҥа мас тардыһыыта буолуоҕа.

Следите за самым важным и интересным в Telegram-канале и WhatsApp-группе ЯСИА