24 Тохсунньу 24.01
  • -48°
  • $ 73,82
  • 83,32

"Азия оҕолоро" VI-с спортивнай оонньуулар Уотун Орто Халыма улууһугар көрүстүлэр

14:38, 04 июня 2016

Бэс ыйын 4 күнүгэр Орто Халыма улууһа «Азия оҕолоро» оонньуулар Уотун эстафетатын тутта.


Бэлиэ уоту биир дойдулаахпыт, Баһылай Манчаары аатынан өрөспүүбүлүкэтээҕи физкультурнай-чэбдигирдэр киин салаатын начаалынньыга, СӨ эдэр ыччат политикатын туйгуна, СӨ култууратын уонна спордун туйгуна Сергей Бандеров аҕалла.

IMG_8810

Улуус киэн туттар спортсмена Уоту Орто Халыма сиригэр тиксэрээт, куорат орто оскуолатын 5-с «в» кылааһын үөрэнээччитигэр Лёня Мухановка туттарда. Салгыы оонньуулар Уоттарын улууспут 11 чулуу спортсмена күөрэччи тутан куорат киинигэр киллэрдилэр.

Уоту көрсүү сиэрэ-туома Орто Халыма куорат оскуолатын тиэргэнигэр ыытылынна. Манна куорат олохтоохторо: кыратыттан аарыма кырдьаҕаһыгар тиийэ кэллилэр. Дьааҥы Киһилээх Таастарыттан саҕыллыбыт Уоту сахалыы алгыс тылынан Александра Антипина айхаллаата.

IMG_8863

Үөрүүлээх түгэн „Азия оҕолоро“ оонньуулар өрөгөй ырыатынан доҕуһуолланан түмүктэннэ.

0
0
24 января 24.01
  • -48°
  • $ 73,82
  • 83,32