21 Тохсунньу 21.01
  • -48°
  • $ 73,82
  • 83,32

"Азия оҕолоро": Олимпийскай дэриэбинэҕэ 6 тыһыынчаттан тахса киһи ыалдьыттыа

«Азия оҕолоро» спортивнай дэриэбинэҕэ 6 аҥар тыһыынчаттан тахса киһи олохсуйарын туһунан мэр Дмитрий Солопов иһитиннэрдэ. Дэриэбинэни от ыйын 5 күнүгэр арыйарга, сабыллыытын от ыйын 16 күнүгэр ыытарга былаанныыллар.  


«Билигин бары күүһү дьон олорор корпустарын бэлэмнээһиҥҥэ уурабыт. Аныгы олох ирдэбиллэригэр сөп түбэһэр усулуобуйаны тэрийиэхтээхпит. Дэриэбинэ иһигэр, олорор дьиэлэргэ өҥөнү оҥорооччулар аналлаах үөрэҕи ааһаллар», — диэн Солопов кэпсээтэ.

Дэриэбинэҕэ 4 тыһыынча спортсмен, 42 дойдуттан делегациялар, 2 тыһыынча волонтер уонна 500 өҥөнү оҥорор этэрээт үлэһитэ олохсуйуо. Аһылыктарын 13 анал тэрилтэ хааччыйыа.

Култуурунай бырагыраама эмиэ баар буоларын учуоттаабыттар. Холобур, дьон сөбүлүүр кырааска бэстибээлин таһынан, саха спордун көрүҥнэринэн презентациялар буолуохтара. Өрөгөйдөөх бырааһынньыгы түмүктүүр күнү Ыһыах сценарийынан ыытыахтара.

«Биһиги омук сириттэн кэлбит ыалдьыттарбыт ыытыллар тэрээһиннэргэ барытыгар бэйэлэринэн кыттан, саха култууратын иһиттэн билэллэригэр кыах биэриэхтээхпит. Онон биир да киһини болҕомтоҕо ылбакка хаалларыахпыт суоҕа», — диэн бэлиэтээтэ Дмитрий Солопов.

0
0
21 января 21.01
  • -48°
  • $ 73,82
  • 83,32