14 От ыйа 14.07
  • 17°
  • $ 87,74
  • 95,76

"Азия оҕолоро" буулдьанан ытыыга Саха сирин спортсменнара үрүҥ көмүс уонна боруонса ыллылар

16:01, 04 июля
Текст:
Хаартыска: ЯСИА саайта
Читайте нас на
Яндекс Новости
ЯДВ
От ыйын 4 күнүгэр А.Г. уонна Н.К. Чиряевтар ааттарынан национальнай гимназияҕа «Азия оҕолорун» буулдьанан ытыыга күрэхтэһиилэрин бүтэһик күнэ буолла. Саха сирин хамаандата финалга үрүҥ көмүс уонна боруонса мэтээллэри ыллылар, суруйар ЯСИА.

Саха сирин бастакы хамаандатыттан Николай Яковлев буулдьанан ытыыга рекордсмен буолар, Приморскай кыраай уонна Россия чемпиона. Кини эппитинэн, утарсааччылара бары тэҥнэр.

«Буулдьанан ытыыга сыл аҥара эрчилинним. Наһаа үчүгэй, долгуйуу, үөрүү. Күрэхтэһии иннинэ долгуйбатаҕым, онтон киирэн тоҕуска табан баран, дьэ хайдах эрэ», — диэтэ кини.

Саха сирин иккис хамаандатыттан Афанасий Егоров ытыыга үһүс сылын дьарыктанар, Бэрдьигэстээххэ эрчиллэр. Кинини спортка улахан убайа аҕалбыт. «Квалификацияҕа үчүгэйдик ыппытым, финалга киирэн баран тугум эрэ тиийбэтэ. Үчүгэй түмүгү көрдөрүөхтээх этим. Үөрдүм, боруонса да — мэтээл», — диэтэ кини.

Кыһыл көмүһү Сибиирдээҕи федеральнай уокуруктан Иван Кормышев ылла.

Следите за самым важным и интересным в Telegram-канале и WhatsApp-группе ЯСИА