29 Кулун тутар 29.03
  • -11°
  • $ 92,26
  • 99,71

Артиллерист Гавриил Протодьяконов туһунан документальнай киинэ көстүөҕэ

17:12, 25 декабря 2020
Текст:
Читайте нас на
Яндекс Новости
ЯДВ

Ахсынньы 28 күнүгэр НВК «Саха» ханаалыгар киэһэ 21ч саха артиллериһын, Аҕа дойду Улуу сэриитин кыттыылааҕын Чурапчыттан төрүттээх Гавриил Дмитриевич Протодьяконов туһунан «Уоттаах сэрии улуу боотура» диэн документальнай киинэ көстүөҕэ.


Киинэни улуус дьаһалтатын сакааһынан ааптар Наталья Михалева-Сайа, режиссер — Нина Корнилова бэлэмнээтилэр.

Аатырбыт артиллерист Сталинград аттыгар холобура суох хорсун быһыыны оҥорбутунан биллэр. Сэрии кэнниттэн Гавриил Протодьяконов 35 сыл учууталынан үлэлээбитэ. 1965 сыллаахха, Кыайыы 20 сылыгар, Г. Д. Протодьяконов байыаннай Парад кэмигэр бииргэ сулууспалаабыт үөлээннээхтэрин кытта Кыһыл болуоссат трибунатыгар турбут. Кэргэнинээн Прасковья Алексеевна Рудиналыын 9 оҕону улаатыннарбыттар.

Следите за самым важным и интересным в Telegram-канале и WhatsApp-группе ЯСИА