Арассыыйа таһыттан тырааныспар бары көрүҥүнэн айаннаан кэлбит дьону Роспотребнадзор үс күн иһигэр булгуччу коронавируска тест туттаралларын модьуйда.
Ити болдьох иһигэр айантан кэлбит дьон дьиэлэригэр олороллоро ирдэнэр. Урут коронавируска тесты сөмөлүөтүнэн айаннааччылар туттараллара. Кылаабынай судаарыстыбаннай санитарнай быраас уурааҕа муус устар 15 күнүттэн олоххо киирэр.
