23 От ыйа 23.07
  • 21°
  • $ 87,78
  • 95,76

Арассыыйа олохтоохторугар көһө сылдьар офистарга босхо юридическай көмөнү оҥоруохтара

Читайте нас на
Яндекс Новости
ЯДВ

Арассыыйа быраабыталыстыбата уһук уонна куһаҕан суоллаах-иистээх нэһилиэнньэлээх пууннарга босхо юридическай көмөнү оҥорорго 100 мөл. солк. кэриҥэ үбү ыытыаҕа. Маннык дьаһалга премьер-министр Михаил Мишустин оптуорунньукка илии баттаабытын туһунан ТАСС  министиэристибэ пресс-сулууспаҕа сигэнэн иһитиннэрдэ.

«Федеральнай үбүлээһин көмөтүнэн 19 анал массыына атыылаһыахтара, онтон регионнарга ыытыахтара. Бу массыыналар автономнайдык үлэлиир кыахтаах мобильнай кабинет курдук буолуохтара. Иһигэр дьону кытары үлэлииргэ толору хааччыллыылаах», — диэн иһитиннэрдилэр.

Массыыналар салгын куттала суох буолуутугар бактерициднай облучателлэринэн хааччыллыбыттара, уонна инбэлииттэргэ, кырдьаҕастарга анаан кирилиэстээхтээхтэр. Массыыналар ыксаллаах быһыыга-майгыга эмиэ туттуллуохтарын сөп, быһылаан миэстэтигэр тахсан юридическай көмөнү оҥоруохтарын сөп, диэн иһитиннэриигэ чуолкайдаатылар.

Былырыын федеральнай үп суотугар босхо юридическай көмөнү оҥорорго 30 массыына ылыллыбыта. Судаарыстыбыннай юридическай бюро көһө сылдьар пууннарын тэрийии түөкүннээһини утары охсуһууга туһуламмыт дьаһаллартан биирдэстэрэ буолар, диэн пресс-сулууспа бэлиэтиир.

Следите за самым важным и интересным в Telegram-канале и WhatsApp-группе ЯСИА