Дьахталлар тустууларыгар Арассыыйа чемпионатыгар Саха сирин алта бэрэстэбиитэлэ кыттыаҕа. Быйылгы күрэхтэһии бэс ыйын 14-18 күннэригэр Каспийскайга ыытыллар, диэн СИА кэпсиир.
Хамаанда састаабын туһунан Саха сирин сүүмэрдэммит хамаандатын сүрүн тренерэ Ким Колодезников кэпсээтэ. Быйыл Саха сириттэн Арассыыйа дьахталларга чемпионатыгар — 20 саастарыгар диэри Арассыыйа күрэхтэһиитин чемпионката Александра Копылова, Ярыгин турнир призердара Александра Карамзина, Севиль Назарова, Дьокуускайга Роман Дмитриев турнирын кыайыылаахтара Евгения Огородникова, Лилиана Рожина, Уһук Илиҥҥи уокурук икки төгүллээх чемпиона Светлана Васильева күрэхтэһиэхтэрэ.
Билигин хамаанда сорҕото Кисловодскайга сүүмэрдэнэ сылдьар. Быйыл Россия чемпионата Каспийскайга көҥүл уонна дьахтар тустуутун холбоон ыытыаҕа. Күрэхтэһии аан дойду биэс төгүллээх чемпионун Али Алиева аатынан спорт дыбарыаһыгар ыытыллыаҕа.
