Премьер-министир Михаил Мишустин Евразийскай экономическай Союзка уонна атын судаарыстыбаларга саахары уонна бурдугу, курууппалары таһаарары быстах кэмҥэ тохтотор туһунан уураахха илии баттаата, диэн ТАСС биллэрэр.
Бобуулаах туораахтарга оруос, дьэһимиэн, бурдук уонна кукуруза киирсэллэр, балары бэс ыйын бүтүөр диэри атын сиргэ таһаарар бобуллар; саахары таһаарыы — атырдьах ыйын бүтүөр диэри көҥүллэммэт.
Онуоха бурдугу, саахары таһарга кэккэ уратылар баар буолуохтара. Бу бородууксуйаны Россия тас өттүгэр гуманитарнай көмө быһыытынан эбэтэр норуоттар икки ардыларынааҕы транзитнай таһаҕаһы тиэйээһин чэрчитинэн таһаарар көҥүллэнэр.
Урут бэнидиэнньиккэ тыа хаһаайыстыбатын министиэристибэтэ Минпромторгу кытары саахары уонна бурдугу тас дойдуга таһаарары быстах кэмҥэ бобуу туһунан бырайыак барылын оҥорбуттара.
Кулун тутар 10 күнүгэр бырамыысыланнас уонна атыы-эргиэн министиэристибэтигэр сыл бүтүөр диэри маһы уонна мастан оҥоһуктары Арассыыйаны утарар тас дойдуларга таһаарары бобор туһунан этии киллэрбиттэрэ. Чуолаан, кумааҕыны уонна фанераны оҥорон таһаарыы туһунан этиллибитэ.
