19 От ыйа 19.07
  • 14°
  • $ 87,88
  • 96,1

Анаабыр улууһугар ыраах сытар учаастактарга быыбар түмүктэннэ

Читайте нас на
Яндекс Новости
ЯДВ

Анаабыр улууһугар ыраах сытар учаастактарга быыбар түмүктэннэ. Суола-ииһэ мөлтөх нэһилиэнньэлээх пууннарга болдьоҕун иннинэ куоластааһын ыытылынна. Атырдьах ыйын 29 күнүттэн балаҕан ыйын 6 күнүгэр диэри, диэн суруйда «Анаабыр уоттара» хаһыат instagram-сирэйигэр.

— СӨ Киин быыбардыыр хамыыһыйатын​ уонна​ “АЛРОСА” АК ​ бииргэ сөбүлэһиилэринэн, И.К.Спиридонов аатынан МУП 3, 4, 5 №-дээх ыстаадаларыгар ​ учаастактааҕы быыбардыыр хамыыһыйа чилиэннэрэ атырдьах ыйын 31 күнүгэр вертолетунан​ быыбардатан кэлбиттэрэ. Бу күн иһигэр 22 быыбардааччы бэйэтин куолаһын биэрбитэ. Оттон ​ балаҕан ыйын 1 күнүгэр атын ыстаадаларга былааннаммыта да, ​ ардахтар түһэннэр көһөрүллэн, балаҕан ыйын 3 күнүгэр тиийэн бастакы, иккис, алтыс, сэттис ыстаадаларга ​ үлэлээн, 23 табаһыт бэйэлэрин куоластарын биэрбиттэр. Салгыы 8 №-дээх ыстаадаҕа — 11 табаһыт, 9 №-дээх ыстаадаҕа — 5 киһи эппиэтинэстэрин өйдөөн, тэтимнээхтик быыбардаатылар. Учаастактааҕы быыбардыыр хамыыһыйалар тэтимнээх үлэлэрин түмүгэр, болдьоҕун иннинэ барыта 61 киһи​ Госдуума депутаттарын быыбарыгар бэйэлэрин бырааптарын туһанан, куоластарын биэрдилэр, — диэн Анаабырдааҕы территориальнай быыбардыыр хамыыһыйа бэрэссэдээтэлэ​ Анастасия Аркадьевна Андросова иһитиннэрдэ.

Следите за самым важным и интересным в Telegram-канале и WhatsApp-группе ЯСИА