27 Тохсунньу 27.01
  • -48°
  • $ 73,82
  • 83,32

Амматааҕы олохтоох хаһыакка ааҕааччыларыттан биир сылга 600 сурук киирэр

17:28, 07 июня 2016
Текст:

Бэс ыйын 3 күнүгэр улуус дьаһалтатын мунньахтыыр саалатыгар «Амма олоҕо» хаһыат тэрийиитинэн, улуус баһылыга Николай Архипов уопсастыбаннай кэрэспэдьиэннэри кытта көрүстэ.


Маннык көрсүһүү 2013 сылтан үтүө үгэскэ кубулуйан сылга биирдэ ыытыллар. Уопсастыбаннай кэрэспэдьиэннэри кытта үлэлэһэр сурук отделын редактора Вера Иванова оҕону, ыччаты суруйар үлэҕэ сыһыаран хас нэһилиэк аайы кэрэспэдьиэннэр түмсүүлэрин тэрийэргэ, сыл түмүгүнэн үлэлэрин көҕүлээн бириэмийэ олохтуурга этии киллэрдэ. Итиэннэ сурутууну улуус дьаһалтатын кытта Сөбүлэҥ түһэрсэн бииргэ ыытарга эттэ.

Бэлиэтээн этэр буоллахха, сыл аайы редакция почтатыгар 600-чэкэ сурук киирэр. «Бу хаһыаты дьон-сэргэ ааҕар, хаһыат дьайар суолтата өссө да күүстээҕин көрдөрөр«, — диэтэ кылаабынай редактор Наталья Бубякина.

Бырата 19 суруйар дьон Амматтан, Абаҕаттан, Бөтүҥтэн, Мээндигиттэн, Соморсунтан, Чакыртан көхтөөхтүк кытыннылар. Улуус сайдыытыгар, олоҕор-дьаһаҕар, үлэҕэ-хамнаска саҥаны киллэриигэ, итэҕэһи-быһаҕаһы көрдөрүүгэ санааларын эттилэр. Холобур, Эмистэн Маргарита Уварова 2017 сылга саха народнай поэта В.М. Новиков-Күннүк Уурастыырап төрөөбүтэ 110 сылын көрсө уопсастыбаннай кэрэспэдьиэннэргэ анал бириэмийэ олохтуурга этии киллэрдэ. Мээндигиттэн Михаил Алексеев гражданскай сэрии историятын, геройдарын үйэтитиини умнууга хаалларбакка үлэлэһэргэ ыҥырда.

2011 сылтан кэрэспэдьиэннэр үлэлэрин көҕүлүүр сыаллаах «Амма олоҕо» хаһыат редакцията сыл бастыҥ кэрэспэдьиэнигэр анал аат иҥэрэр туһунан эппитэ. Онтон ыла сылын аайы бириэмийэ туттарыллар. Бу үгэс быйыл да толорулунна. 2015 сыл түмүгүнэн «Улуус бастыҥ кэрэспэдьиэнэ» анал ааты сэргэ түөскэ кэтиллэр бэлиэнэн Бөтүҥ орто оскуолатыгар социальнай педагогунан үлэлиир Саргылаана Мартынова наҕараадаланна.

Кинини сэргэ бу күн улуус бэчээтин сайдыытыгар киллэрсибит үтүөлэрин иһин, «Амма олоҕо» хаһыаттыын өр сыл алтыспыт кэрэспэдьиэннэрбит Чакыртан Петр Петрович Осипов уонна Амматтан Сольскай Васильевич Скрябин СӨ бэчээккэ, телевидениеҕэ уонна араадьыйаҕа дьыалаларыгар департамент махтал суругунан бэлиэтэннилэр. Онтон Алексей Егорович Филиппов уонна Вера Саввична Жиркова улуус дьаһалтатын махтал суругун үөрүүлээх быһыыга-майгыга туттулар.

0
0
27 января 27.01
  • -48°
  • $ 73,82
  • 83,32