23 От ыйа 23.07
  • 28°
  • $ 87,78
  • 95,76

Аммалар өрөспүүбүлүкэтээҕи научнай-чинчийэр экологическай экспедицияҕа бэлэмнэнэллэр

Читайте нас на
Яндекс Новости
ЯДВ

Кэлэр 2024 сылга ыытыллыахтаах научнай-чинчийэр экологическэй экпедиция чэрчитинэн Амма улууһугар СӨ экология, айылҕаны туһаныы уонна ойуур хаһаайыстыбатын министиэрстибэтиттэн Саха сирин айылҕа харыстабылыгар уонна экологияҕа үөрэхтээһин сүрүн исписэлииһэ Ньургуйаана Гуринова кэлэн барда.

Айылҕа харыстабылын исписэлииһэ Амматааҕы Л.В. Киренскэй аатынан лиссиэйгэ учууталлары кытта 2024 сыл сайыныгар  Аммаҕа буолуохтаах оҕолорго аналлаах өрөспүүбүлүкэтээҕи научнай-чинчийэр экологическай экспедиция анал боппуруоһун туһунан кэпсэтиини ыытта. Кинини кытта улуустааҕы айылҕа харыстабылын инспекциятын салайааччыта Евгений Егоров сырытта. Экспедицияны  экология министиэристибэтэ уонна Саха сирин наукаларын академиялара салайан ыытыахтаах. Ньургуйаана Сергеевна экологическай экспедиция урут кэккэ улуустарга хайдах быһыылаахтык ааспытын туһунан сиһилии холобурдаан билиһиннэрдэ. Кэлиҥҥи кэмҥэ экспедицияны тэрийии ирдэбилэ лаппа уларыйан уонна ол ирдэбиллэри инникитин хайдах быһыылаахтык олоххо киллэрэн туһалаах, интэриэһинэй бырайыак буоларын ситиһэри ымпыгар-чымпыгар тиийэ кэпсэттилэр.

Маны таһынан Ньургуйаана Сергеевна лиссиэй үөрэнээччилэригэр “Саха сиригэр айылҕа харыстабылын систиэмэтэ” диэн тиэмэҕэ барытын көрдөрөн туран экологическай уруогу ыытта. Оҕолор көхтөөх кыттыыны ыллылар, бэйэлэрин научнай тиэмэлэрин кэпсээтилэр. Салгыы  “Радуга” оҕо уһуйааныгар тиийэн,  иитиллээччилэргэ анаан Саха сирин дьиикэй кыылларын туһунан кэпсээтэ.  Өрөспүүбүлүкэҕэ биллэр үлэлээх эдэр туристар ыстаансыйаларын үөрэнээччилэригэр “Экологическай култуура” диэн  анал үөрэҕи ыытта. Ити курдук бу күн устата оҕолор тулалыыр эйгэ туһунан элбэҕи биллилэр, айылҕаны харыстааһын үлэлэрин өссө күүһүрдэргэ сорук туруоруннулар.

Артем Осипов, Амма олоҕо

Следите за самым важным и интересным в Telegram-канале и WhatsApp-группе ЯСИА
Тутаах тыллар