Кураан күннэр тураннар билигин отчуттар хоннохтоохтук оттоон, тиэрдиллибит соругу толорууга күүскэ үлэлииллэр, сиик түһүүтүн кытта үлэлэрин түмүктүүллэр. Бэҕэһээ кэлбит субуокка кэпсииринэн улуус үрдүнэн 16168,5 тонна от кэбиһиллэн, былаан 50, 2 бырыһыаҥҥа тиийэн, сорук аҥара туолла. Тыа хаһаайыстыбатын управлениетын салайааччыта Ион Кононов былдьаһыктаах кураан күннэргэ күүскэ оттоон хааларга сорук туруоран, бу нэдиэлэҕэ сыыппара улаатыахтаах, былаан 60 бырыһыаҥҥа тиийиэхтээх. Күн бүгүн от үлэтигэр, ходуһаларга 853 тыраахтыр, 853 звено үлэлии сылдьар. Ити иһиттэн 451 механизированнай, 399 механизация аҥардаах уонна 3 көлө-илии звенолара. Уопсайа окко 2270 киһи хороҕор муостаах, сыспай сиэллээх сыл тахсар аһылыгын бэлэмнээһиҥҥэ сылдьар.
Ааптар: “Амма олоҕо”
