29 Кулун тутар 29.03
  • -11°
  • $ 92,26
  • 99,71

Аммаҕа булчуттар күрэхтэригэр абаҕалар убаһанан бириэмийэлэннилэр

15:10, 28 марта 2016
Текст:
Читайте нас на
Яндекс Новости
ЯДВ

Аммаҕа улуус тыатын хаһаайыстыбатын управлениетын, айылҕа харыстыбылын кэмитиэтэ, булчут инспекцията, уонна Аҕалар түмсүүлэрэ тэрийэн ыыппыт «Булчут-2016» күрэх буолла. Күрэхтэһии улуус саамай кэрэ сиригэр Короленко хайатын аннынан ыытылынна.


Нэһилиэктэриттэн 8 хамаанда кэлэн күөн көрсөн хас да түһүмэхтэри туораатылар. Ол курдук бэйэлэрин билиһиннэрдилэр, саанан сыал ыттылар, ыстылар-хомуйдулар, балаакка да туруордулар, кутаа уот оттон чэй да өрдүлэр. Маны тэҥэ булт быраабылатын төһө билэллэрин тургуттулар. Хамаанданан күрэххэ Абаҕа нэһилиэгэ кыайыылаах тахсан, убаһанан наҕараадаланнылар. Иккис миэстэни Амма-Наахара, үсүһү Сулҕаччы хамаандалара ылан харчынан сертификаттары туттулар.

Биирдиилээн күрэхтэһии эмиэ бэрт интэриэһинэйдик ааста. Манна биир сыраны-сылбаны эрэйэр түһүмэҕинэн 5 км хайыһарынан сүүрүү буолла. Бары түһүмэҕи ааһан, оҕолорго эмиэ Абаҕаттан Федя Нектыров бастаан, бензин эрбиитин хаһаайынынан буолла. Онтон ыччаттарга Амматтан Егор Дьячковскай кыайан эмиэ эрбиинэн наҕараадаланна. Бэтэрээннэр ортолоругар Соморсунтан Федор Баранов тэҥнээҕин булбата уонна генератор тутта.

Кыайыылаахтартан сүүмэрдэммит хамаанда хомуллан өрөспүүбүлүкэҕэ улуус чиэһин көмүскүү барыа.

Следите за самым важным и интересным в Telegram-канале и WhatsApp-группе ЯСИА