13 От ыйа 13.07
  • 24°
  • $ 87,74
  • 95,76

Аммаҕа бэтэрээннэри чиэстээтилэр

09:52, 05 сентября 2016
Читайте нас на
Яндекс Новости
ЯДВ

Балаҕан ыйын 2 күнүгэр саамай кырыктаах сэрии бүтэһиктээхтик түмүктэммит ытык күнэ.


Бу күн үтүө үгэс быһыытынан улуус дьаһалтатыгар аҕа баһылык Николай Архипов сэрии бэтэрээннэрин кытта көрсүстэ. Көрсүһүүгэ билигин улууска баар 5 бэтэрээнтэн иккитэ кэлэн үөрэн, астынан бардылар. Ол курдук Аҕа дойду улуус сэриитин бэтэрээннэригэр Семен Васильевич Тихоновка уонна Иннокентий Алексеевич Федотовка бэйэлэрин эҕэрдэлэрин улуус баһылыгын социальнай боппуруостарга солбуйааччыта Прасковья Емельянова, социальнай көмүскэл управлениетын начальнига Аиза Чемезова, пенсионнай фонда улуустааҕы салаатын салайааччыта Алима Черноградская, бэтэрээннэр сэбиэттэрин бэрэссэдээтэлэ Александра Шестакова уонна отставкаҕа олорор полковник Иван Иосифовч Мохначевскай эҕэрдэлээтилэр. Бэтэрээннэргэ эҕэрдэ суруктар, Үлэ Геройа Сэбиэт Аана төрөөбүтэ 100 сылынан үбүлүөйдээх бэлиэ уонна аһылык бородууктата, сибэкки дьөрбөтө туттарылынна. Итии чэйдээх остуол тула олорон ирэ-хоро кэпсэтэн бэтэрээннэрбит барахсаттар астынан, үөрэн тарҕастылар.

Следите за самым важным и интересным в Telegram-канале и WhatsApp-группе ЯСИА