18 От ыйа 18.07
  • 17°
  • $ 88,09
  • 96,3

Алтынньы 10 күнэ. «ВКонтакте» уонна «Телеграм» программиһа Павел Дуров төрөөбүт күнэ - Бикипиэдьийэ

09:00, 10 октября 2020
Текст:
Читайте нас на
Яндекс Новости
ЯДВ

Санкт-Петербургтан төрүттээх Россия биллэр урбаанньыта, программист, миллиардер, «ВКонтакте» социальнай ситим уонна «Телеграм» мессенджер оҥорооччуларыттан биирдэстэрэ Павел Дуров бүгүн 35 сааһын бэлиэтиир. 

Кини Академическай гимназия, Санкт-Петербургдааҕы государственнай университет филологияҕа факультетын туйгун выпускнига.

«ВКонтакте» ситими үөрэҕин бүтэрэр сылыгар айар. 2001 сыл туругунан Дуров, баайа-дуола 7,9 миллиард солк. сыаналанан, Россия миллиардердарын рейтиннэригэр 350-с буолар. Быйылгы сылга кини ити рейтиҥҥэ 30-с миэстэҕэ сылдьар, аан дойдуга — 565-с.


Алтынньы 10 диэн Грегориан халандаарыгар сыл 283-с күнэ (ордук хонуктаах сылга 284-c күнэ). Сыл бүтүө 82 күн баар.

Бэлиэ күннэр:

  •  ХНТ — Аан дойдутааҕы уйулҕа чэгиэнин (психическэй доруобуйа) күнэ
  •  Европа Сойууһа — Европатааҕы суутунан өлөрүүнү (смертная казнь) утары охсуһуу күнэ
  •  Украина — Украина стандартизация и метрология үлэһиттэрин күнэ
  •  Кытай — Икки уон күнэ. 1911 сыллааҕы Синьхай өрөбөлүүссүйэтин саҕалаабыт Учаннааҕы өрө турууну бэлиэтиир күн.
  •  Финляндия — Фиинн литэрэтиирэтин күнэ
  •  Хотугу Кэриэйэ — Баартыйа төрүттэниитин күнэ
  •  Кууба (дойду) — Тутулуга суох буолуу күнэ

Түбэлтэлэр:

  • 680 — Кербела кыргыһыыта. Омейяд династиятын сэриитэ Муhаммед сиэнин Хусейн ибн Али этэрээтин кыргыбыт. Бу түбэлтэ исламҥа суннит уонна шиит салааларын ыккардыларыгар арахсыы саҕаланыытынан ааҕыллар.
  • 732 — Пуатье кыргыһыыта. Галлияҕа саба түспут араб сэриитин уонна Франк хоруоллугун сэриилэрин икки ардыларыгар кыргыһыыга Карл Мартелл салайыылаах франктар кыайбыттар. Бу арабтар Европаҕа саамай ырааппыт түгэннэрэ.
  • 1911 — Кытайга Учаннааҕы өрө туруу саҕаламмыт. Мантан саҕалаан Синьхай өрөбөлүүссүйэтэ өрө күөдьүйбүтэ. Түмүгэр маньжурдар салайар Цин импиэрийэлэрэ сууллубута, өрөспүүбүлүкэ олохтоммута.
  • 1915 — Марха улууһун икки улууска араарбыттар: Ньурба уонна Марха.
  • 1919 — Дьокуускай уокуругун суута «Бассабыыктары утары охсуһууга өлбүттэр сырдык кэриэстэрин үйэтитии уопсастыбатын» устаабын бигэргэппит.
  • 1932 — Украинаҕа 5 сыллаах тутуу кэнниттэн үөрүүлээх быһыыга-майгыга ДнепроГЭС аһыллыбыт. ДнепроГЭС таһыгар Запорожьеҕа металлургическэй, химическэй, машиностроительнай комплекс тэриллибитэ.
  • 1941 — Кыһыл Аармыйа байыастарыгар анаан Саха сиригэр 22916 ичигэс таҥас, 19183 куобах тириитэ, 295 араас тирии, 786 араас мал-сал, барыта 43180 мал хомуйуллубут.
  • 1945 — Ким Ир Сен баһылыктаах Кэриэй үлэһит баартыйата тэриллибит.
  • 1967 — Космос туһунан дуогабар күүһүгэр киирбит. Хайа да дойду космос эбийиэктэрин бэйэтин киэнинэн биллэриэ суохтааҕа уонна космоска ядернай сэрии сэбэ суох буолуохтааҕа этиллибит.
  • 1995 — Саха Өрөспүүбүлүкэтин Бырабыыталыстыбатын 191 №-дээх уурааҕынан Алдан улууһугар «Үөһээ Амма» заказник тэриллибит.

Төрөөбүттэр:

Өлбүттэр:

Следите за самым важным и интересным в Telegram-канале и WhatsApp-группе ЯСИА