1 Алтынньы 01.10
  • -1°
  • $ 55,3
  • 52,74

Алта региоҥҥа дэриэбинэлэри сайыннарыыга 370 мөлүйүөн харчыны ыытыахтара

Бырабыыталыстыба Псковскай, Ростовскай, Рязанскай уонна Самарскай уобаластарга, Карачаево-Черкессияҕа уонна Саха сиригэр дэриэбинэлэри сайыннаралларыгар 370 мөлүйүөн кэриҥэ солкуобайы ыытыаҕа, диэн премьер-миниистир Михаил Мишустин иһитиннэрдэ.

Тыа сиригэр уу ситимнэрин тардыахтара, култуура дьиэлэрин, уһуйааннары, оскуолалары уонна библиотекалары тутуохтара эбэтэр саҥардыахтара. Ону тэҥэ, тустаах тырааныспар атыылаһыллара сабаҕаланар. Бу быһаарыы 16 тыһыынча олохтоохтордоох 14 нэһилиэктэри хаачыстыбалаах социальнай уонна инженернэй инфраструктуранан хааччыйыаҕа.

«Маннык үлэ Арассыыйа атын субъектарыгар эмиэ салҕанан барыаҕа, тыа сиригэр олорор дьоҥҥо наадалаах өҥөлөр бары тоҕоостоох буолалларын ситиһиэххэ наада», — диэн түмүктээтэ Мишустин.

Следите за самым важным и интересным в Telegram-канале и WhatsApp-группе ЯСИА
0
0