ОДьКХ миниистирэ Вячеслав Емельянов от ыйын 23 күнүгэр Горнай уонна Хаҥалас борокуратуураларын бэрэстэбиитэллэрин кытта Бэрдьигэстээххэ уу ыраастыыр ыстаансыйа уонна Бэстээххэ уунан хааччыйар систиэмэ тутууларын көрдүлэр.
Бэрдьигэстээххэ сууккаҕа 500 кубометр кыамталаах уу ыраастыыр ыстаансыйа тутуллар. Эбийиэк олбуора, носуоһа тутулунна, хочуолунайа уонна иһитэ таҥыллар. Уу хаһаанар уонна хочуолунайыгар оборудованиета атыылаһылынна. Холуодьаһа уонна уу ситимин халтырытар тирэхтэрэ оҥоһуллаллар.
Бэстээххэ 6,5 км уу хааччыйар ситим тутуллар. 500 миэтэрэ турба тардылынна, холуодьас оҥоһуллар.
Эбийиэктэр «Чистая вода» федеральнайдааҕы бырайыак чэрчитинэн тутуллаллар, «Жилье и городская среда» нацбырайыак иитинэн.
Бу эбийиэктэри сэргэ өссө түөрт уу ыраастыыр ыстаансыйа Сунтаарга, Аммаҕа, Алтаҥҥа, Өлүөхүмэҕэ тутуллар. Эбийиэктэр үлэҕэ киирдэхтэринэ нэһилиэнньэ 60,4% ыраас иһэр уунан хааччыллар.
