2018 сыл саҕаланыаҕыттан Алмаасэргиэнбаан ипэтиэкэ кирэдьиитин ставкатын, оттон кулун тутар ыйга потребительскай кирэдьииттэргэ намтатта. Хааччыйыыта суох — “Простые решения”, хааччыйыылаах – “Новые горизонты” уонна “Большие возможности” кирэдьииттэргэ ставка түстэ.
“Бырыһыан ставкатын аччатыы – бу өрөспүүбүлүкэ олохтоохторугар үп-харчы өҥөтүнэн туһаналларыгар дьоһун хардыы”, — диэн бэлиэтээтэ розничнай бизнес департаменын дириэктэрэ Анна Алексеевская.
“Простые решения” потребительскай кирэдьииккэ сайаапканы онлайн нөҥүө биэриэххэ сөп.
“Биһиги хас күн ахсын клиеннэрбитин хааччыйыыны тупсарар уонна судургу оҥорор баҕалаахпыт, биллэн турар, улахан болҕомто биһиги бааммыт нөҥүө хамнастарын ылааччыларга уонна бүддьүөт үлэһиттэригэр ууруллар”, — диэн иһитиннэрдэ Алексеевская.
Сиһилии иһитиннэриини “Алмаасэргиэнбаан” АУо бэйэтин сайтыгар киирэн ааҕыаххытын сөп.
