Пуойас сырыытын 2023-2024 сс. саҥа графига үлэҕэ киирдэҕинэ, Аллараа Бэстээх — Иркутскай хайысхатынан айан-сырыы күн ахсын оҥоһуллуоҕа. Бу туһунан «Саха сирин тимир суоллара» АХ иһитиннэрдэ.
Оттон ахсынньы 17 күнүттэн Аллараа Бэстээх — Владивосток туһаайыытынан быһа айанныыр богуоннар сырыылара (беспересадочное сообщение) күн көтө-көтө оҥоһуллуоҕа. Ол курдук тохсунньуга, кулун тутарга, бэс ыйыгар, от ыйыгар уонна балаҕан ыйыгар – чорбоҕо суох күннэргэ, олунньуга, муус устарга, ыам ыйыгар, сэтинньигэ, ахсынньыга – чорбохтоох күннэргэ, от ыйын ортотуттан атырдьах ыйын бүтүөр диэри – күн ахсын.
Аллараа Бэстээхтэн – Благовещенскайга диэри урукку курдук сырыы күн ахсын олохтонор.
Маны таһынан, быһа айанныыр богуннар сырыылара (вагоны беспересадочного сообщения) Аллараа Бэстээхтэн Иркутскайга диэри ахсынньы 18 күнүттэн олохтонуоҕа.
Саха сирэ
