17 От ыйа 17.07
  • 20°
  • $ 87,81
  • 95,78

Аллараа Бэстээххэ «Идэһэ - 2023» атыы-эргиэн дьаарбаҥката ыытылынна

Читайте нас на
Яндекс Новости
ЯДВ

Бүгүн, сэтинньи 17 күнүгэр, Аллараа Бэстээххэ «Идэһэ — 2023»  дьаарбаҥката ыытылынна диэн, Мэҥэ Хаҥалас улууһун дьаһалтатын телеграм-ханаала суруйар.

Манна Төҥүлү, Дьаҥхаады, Нөөрүктээйи, Тараҕай, Моорук, Бүтэйдээх нэһилиэктэриттэн сүүрбэттэн тахса биирдиилээн чааһынай дьон, хаһаайыстыбалар, кэпэрэтииптэр кэлэн сибиэһэй идэһэлэрин, муҥха балыгын, сир аһын, эти-үүтү дэлэччи тэниттилэр. Бүгүҥҥү сыананы көрдөххө, ынах арыыта киилэтэ 1000-1100 солкуобайга, ынах этэ киилэтэ 650-700 солкуобайга, убаһа этэ 700 солкуобайга тэннэспит.

Сарсын улуустааҕы «Идэһэ — 2023» Майа сэлиэнньэтин «Кыталык» уопсастыбаннай кииҥҥэ ыытыллыаҕа. Ытыктабыллаах улууспут олохтоохторун уонна ыалдьыттарын кыстыкка үктэммиппитин көрсө дьаарбаҥкаҕа кэлэн көхтөөхтүк кыттаргытыгар, атыылыыргытыгар, атыылаһаргытыгар ыҥырабыт!

Мэҥэ Хаҥалас улууһун дьаһалтатын пресс-сулууспата

Следите за самым важным и интересным в Telegram-канале и WhatsApp-группе ЯСИА