24 От ыйа 24.07
  • 28°
  • $ 87,3
  • 95,46

Аллайыахаҕа кырса "иириитин" ыарыыта бэлиэтэннэ

16:01, 15 мая 2023
Текст:
Фото: Архив ЯСИА
Читайте нас на
Яндекс Новости
ЯДВ

Аллайыаха оройуонугар кыыл кырса икки боруобатыгар «иирии» вируһа булулунна. «Ойотуҥ» уонна «Школьные пески» учаастактарга бэлиэтэннэ.

Ол туһунан Саха сиринээҕи ветеринария департамена иһитиннэрдэ. Этиллибит учаастактарга дьон олорбот. Ойотуҥ Чокурдаахтан 30 км тэйиччи, Школьные пески — 12 км тэйиччи бааллар.

«Бэтэринээрдэр бигэргэтиллибит былаанынан ыарыыны суох оҥорууга үлэлииллэр. Иириини утары вакцина, дезинфекциялааһын сириэстибэлэрэ, тус харыстанар сириэстибэлэр бааллар», — биэдэмистибэҕэ эттилэр.

Санаттахха, эрдэ Аллайыахаҕа иирии ыарыытын ыт оҕотуттан булбуттара. Онон бүгүҥҥү туругунан бу оройуоҥҥа үс түбэлтэ таҕыста.

Следите за самым важным и интересным в Telegram-канале и WhatsApp-группе ЯСИА