Бөҕү-сыыһы уматар тэрил Чокурдаахха бэрэбиэркэлээн көрөр эрэһиимҥэ үлэтин саҕалаата. Ол туһунан ОДьКХ ГУТ дириэктэрэ Виталий Чикачев эттэ, суруйар ТАСС.
«Саха сирин, Уһук Илин уонна Арктика историятыгар аан бастакынан бөҕү-сыыһы уматар тэрил Аллайыаха улууһун Чохурдаах бөһүөлэгэр туруорулунна. Бастакы 125 куб бөх уматылынна. Олохтоох муниципальнай тэриллии биһиэхэ баазатын тэрийдэ. Манна сылы эргиччи бу тэрил үлэлиэхтээх«, — диэтэ Виталий Чикачев.
Тэрил сертификаттаах. Билигин кэтээн көрүү эрэһиимигэр үлэни саҕалаата. «Бөҕү уматарга дизель уматыга наада <…> кыһыҥҥы кэмҥэ хайдах үлэлиирэ көстүөҕэ — ол кэннэ атын оройуоттарга аҕалыы туһунан кэпсэтии барыаҕа«, — диэн тэрилтэ генеральнай дириэктэрэ эттэ.
