Муниципальнай тэриллиилэр бэрэстэбиитэллээх уоргаттарын депутаттарын II сийиэстэрин түмүгүнэн резолюция ылыллар. Докумуон депутаттар оройуоннарга үлэлэригэр хайысха оҥоруоҕа.
Түмүгү Ил Түмэн бэрэссэдээтэлэ Алексей Еремеев оҥордо. Парламент спикера бэлиэтээбитинэн, төгүрүк остуолларга резолюцияҕа киирэр практическай этиилэр киирдилэр, бу салгыы депутаттар улуустарыгар үлэни ыыталларыгар хайысха буолуоҕа. Муниципалитеттар тирээн турар боппуруостардаах докумуоннара регионнааҕы уонна федеральнайдааҕы судаарыстыбаннай былаастарга туһаайыллар.
«Докумуону төрүт быһыытынан ылынныбыт уонна салгыы ситэрэн биэриэхпит. Резолюция ылылыннаҕына бырагыраамалаах докумуон буолуоҕа. Өрөспүүбүлүкэ былааһа муниципальнай уоргаттар үлэлэригэр өссө элбэх усулуобуйаны тэрийэллэригэр манан сирдэтиниэхтэрэ. Ол Саха сирин дьонун олоҕор биллиэҕэ. Маны сэргэ олохтоох бэйэни салайыныы сокуонун ылынарга бэлэммитин бу тэрээһиннэр көрдөрдүлэр. Элбэх этии баар, ол иһигэр судаарыстыбаннай мунньахха көннөрүүлэр, докумуоммутун көмүскүөхпүт», — диэтэ Алексей Еремеев.
Сийиэс Дьокуускайга кулун тутар 27 — 31 күннэригэр ыытылынна. 500-тэн тахса парламентарий бары улуустартан, нэһилиэктэртэн кытынна.
