19 Кулун тутар 19.03
  • -16°
  • $ 91,98
  • 100,24

Алексей Егоров «Сахафильм» хампаанньа дириэктэринэн ананна

Фото: пресс-центр Минкультуры
Читайте нас на
Яндекс Новости
ЯДВ

Бэс ыйын 1 күнүгэр «Сахафильм» хампаанньа коллективыгар саҥа салайааччыны билиһиннэрдилэр. Саҥа салайааччынан бу иннинэ «Лена» киинэ тыйаатырын дириэктэрин дуоһунаһыгар сылдьыбыт Алексей Егоров буолла. Бу туһунан Саха сирин култуураҕа уонна духуобунай сайдыыга министиэристибэтин пресс-киинэ иһитиннэрэр.

Өрөспүүбүлүкэ култуураҕа уонна духуобунай сайдыыга миниистирэ Юрий Куприянов бэлиэтээбитинэн, «Сахафильм» уонна «Лена» кииэн тыйаатыра холбоһоллор, ол иһин саҥа салайааччы ананна. Куприянов этэринэн, хампаанньа былаана барыта олоххо киириэҕэ.

«Сахафильм» салайааччытынан үлэлээбит Сардаана Саввинаҕа хампаанньа генеральнай продюсерын дуоһунаһын ыл диэн этии киллэрдилэр, миниистир бэлиэтээтэ.

Алексей Алексеевич Егоров 1983 сыллаахха олунньу 5 күнүгэр  төрөөбүтэ. 2002 сылга М. С. Щепкин аатынан театральнай училище «Тыйаатыр уонна киинэ артыыһа» салаатын бүтэрбитэ. Ол кэнниттэн дойдутугар төннөн, Саха тыйаатырыгар үлэлээбитэ. Киэҥ билиилээх артыыс уонна ырыаһыт быһыытынан биллэр. Егоров 2012 сыллаахха С. А. Герасимова аатынан Арассыыйатааҕы кинематография государственнай институтун «Киинэ уонна телевидение продюсера» салаатын бүтэрбитэ.  2015 сылтан 2018 сылга диэри Саха эстрадатын тыйаатырын дириэктэринэн үлэлээбитэ. Соторутааҥҥа диэри «Лена» киинэ тыйаатырын дириэктэрэ этэ.

Следите за самым важным и интересным в Telegram-канале и WhatsApp-группе ЯСИА